«Charity Bike Ride Atyrau – 2019» قاتىسۋشىلارى ءۇشىن جۇگىرۋ قاشىقتىعى 9 شاقىرىمدى قۇرايدى، دەپ حابارلايدى اتىراۋ قالاسى اكىمدىگىنىڭ باسپا ءسوز قىزمەتى.

ەكىنشى جىل سايىنعى ۆەلوشەرۋ «اتىراۋ وبلىسىنداعى سپورتتى قولداۋ جانە دامىتۋ» قوعامدىق قورىنىڭ ۇيىمداستىرۋىمەن، سپورت جانە دەنە شىنىقتىرۋ باسقارماسى جانە اتىراۋ قالاسى اكىمدىگىنىڭ قولداۋىمەن وتەدى. «Charity Bike Ride Atyrau – 2019» قاتىسۋشىلار ءۇشىن جۇگىرۋ قاشىقتىعى 9 شاقىرىمدى قۇرايدى، جاپپاي ۆەلوشەرۋگە بارلىق نيەت بىلدىرۋشىلەر قاتىسا الادى.

- ۆەلوشەرۋدىڭ باستى ماقساتى – وڭىردەگى ۆەلوسپورتتى دامىتۋ. وتكەن جىلى «اتىراۋ وبلىسىنداعى سپورتتى قولداۋ جانە دامىتۋ» قوعامدىق قورىنىڭ ۇيىمداستىرۋىمەن قازاقستاننىڭ كاسىبي ۆەلوسپورتشىسى الەكساندر ۆينوكۋروۆ، وليمپيادا چەمپيونى يليا يلين جانە باسقا دا بەلگىلى تۇلعالار قاتىسقان «Charity Bike Ride Atyrau – 2018» العاشقى قايىرىمدىلىق ۆەلوشەرۋى وتكەن بولاتىن. ۆەلوشەرۋ ناتيجەسىندە اتىراۋ قالاسىندا ۆەلوورتالىق اشىلعان ەدى، - دەيدى قالالىق سپورت جانە دەنە شىنىقتىرۋ ءبولىمىنىڭ باسشىسى نۇربەك احمەدياروۆ.

ايتا كەتەيىك، بۇل جىلى قاتىسۋشىلار تىركەۋدەن وتپەيدى. جالپى جينالۋ م.وتەمىسوۆ اتىنداعى وبلىستىق اكادەميالىق دراما تەاترى الاڭىندا باستالادى، باستالۋى 17.00-گە بەكىتىلگەن، ۆەلوسيپەدشىلەر سۇلتان بەيبارىس ايماعىندا مارە سىزىعىن كەسەدى. ۆەلوشەرۋدەن كەيىن 19.00-دە الاڭدا قاتىسۋشىلاردى وڭىرلىك شىعارماشىلىق ۇجىمداردىڭ قاتىسۋىمەن كونسەرتتىك باعدارلاما كۇتەدى.

-بيىلعى جىلى مارەدە سەرىكتەس كومپانيالاردىڭ تاعام ونىمدەرى ساتىلادى. ساۋدادان تۇسكەن بارلىق قاراجات ۆەلوورتالىققا قاجەتتى سپورتتىق قۇرالدار الۋعا جۇمسالادى، - دەيدى «اتىراۋ وبلىسىنداعى سپورتتى قولداۋ جانە دامىتۋ» قوعامدىق قورىنىڭ رەسمي وكىلى تالعات ۋتەگۋلوۆ.

جاپپاي ۆەلوشەرۋ سپورتتىق جارىس بولىپ ەسەپتەلمەيدى جانە ۆەلوسپورتتى قولداۋ مەن دامىتۋعا جانە سالاۋاتتى ءومىر سالتىن دارىپتەۋگە نەگىزدەلگەن.