قازاقستاننىڭ ەڭبەك سىڭىرگەن قايراتكەرى، اقىن، ايتىس ونەرىنىڭ جاناشىرى ءجۇرسىن ەرمان ءوزىنىڭ ءسوزىن بۇرمالاعان جۋرناليستەرگە رەنجۋلى. ونىڭ سوزىنشە، كەيبىر تىلشىلەر تاراتقان قاتە اقپاراتتان كەيىن اقىننىڭ پرەزيدەنتتىك سايلاۋعا قاتىستى ايتقان ويى مۇلدەم تەرىس ماعىنادا قابىلدانعان كورىنەدى.
ەسكە سالايىق، كەشە ايتىس اقىندارى مەن جىرشى-تەرمەشىلەردىڭ حالىقارالىق وداعى الماتىدا ءوز قۇرىلتايىن وتكىزىپ، وندا وداق مۇشەلەرى «نۇر وتان» پارتياسى اتىنان قاسىم-جومارت توقايەۆتىڭ سايلاۋعا ۇسىنىلۋىنا قولداۋ بىلدىرگەن ەدى.
وسىناۋ جيىننان كەيىن ءبىرقاتار ب ا ق وكىلى ءجۇرسىن ەرماننىڭ سوزىنەن ءۇزىندى كەلتىرىپ، ونىڭ دا سايلاۋعا قاتىسقىسى كەلگەنىن، الايدا ارتىنشا «جوعارىدان قىسىم كورسەتىلگەنىن» جازعان بولاتىن. اقىننىڭ ءوزى بولسا مۇنداي مالىمدەمە جاساماعانىن، جۋرناليستەر ونىڭ ءسوزىن بۇرمالاعانىن ايتىپ وتىر.
«ءبىز كەشەگى قۇرىلتايدا Nur Otan پارتياسىنىڭ ءتوراعاسى نۇرسۇلتان نازاربايەۆتىڭ پرەزيدەنتتىك سايلاۋعا قاسىم-جومارت توقايەۆتى ۇسىنۋ باستاماسىن قولدايمىز دەگەن شەشىمگە كەلدىك. جينالعانداعى نەگىزگى ماقساتىمىز دا سول ەدى. وسى جيىننان كەيىن كەيبىر جۋرناليستەر مەنىڭ ءسوزىمدى بۇرمالاپ، مۇلدەم باسقا ماعىنادا جازىپ شىعىپتى. ولار ءسوزدى تۇسىنبەيدى نەمەسە ادەيى تۇسىنگىسى كەلمەيدى»، - دەپ رەنىشىن ايتتى ءجۇرسىن ەرمان.
ايتا كەتەيىك، 24 ساۋىردە استانادا ايتىس اقىندارى مەن جىرشى-تەرمەشىلەردىڭ حالىقارالىق وداعى قۇرىلتاي وتكىزگەن بولاتىن. جيىنعا 120-دان استام ايتىسكەر-اقىن جينالىپ، قازىرگى ونەردەگى وزەكتى پروبلەمالاردى ورتاعا سالدى. سونداي-اق، اقىندار ارىپتەستەرىن 9 ماۋسىم كۇنى بولاتىن پرەزيدەنتتىك سايلاۋدا بەلسەندىلىك تانىتۋعا شاقىردى.