تاراز قالاسىندا قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆتىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» باعدارلامالىق ماقالالارىن جۇزەگە اسىرۋ اياسىندا قالالىق جوبالىق وفيس پەن قالالىق ىشكى ساياسات ءبولىمى ءبىرقاتار جۇمىستار اتقارۋدا دەپ جازادى Qamshy.kz اقپارات اگەنتتىگى. 

باعدارلامالىق ماقالانى وبلىس ورتالىعىندا جۇزەگە اسىرۋ ماقساتىندا 2019 جىلعى ءىس-شارالار جوسپارىنا ارنايى باعىتتارى مەن جوبالار اياسىندا 86 ءىس-شارا ەنگىزىلدى. قازىرگى تاڭدا ونىڭ 37 ءىس-شاراسى وتكىزىلىپ، وندا 14842 ادام قامتىلدى. سونداي-اق، باعدارلامالىق ماقالا اياسىندا جالپى 286 ءىس-شارا وتكىزىلىپ، وعان 57 214 ادام قامتىلدى. ولاردىڭ قاتارىندا «تارازدىڭ تۇرلەنۋى» اتتى ىسكەرلىك-ارىپتەستىك كەزدەسۋ، «TARAZ FILM SCHOOL» كينو مەكتەبىنىڭ تۇلەكتەرىنە سەرتيفيكات تابىستاۋ ءراسىمى، «قايسار» كوركەم ءفيلمىنىڭ جانە «No Limits» دەرەكتى دوكۋمەنتالدى كينوسىنىڭ تۇساۋ كەسەر ءراسىمى، «ءسىز وقۋعا ءتيىس الەمدىك 100 كىتاپ» ادەبيەت اللەياسى، «قازاقستانداعى تاريحي ورىندار» اتتى كىتاپ كورمەسى، «قازاقستاننىڭ 100 جاڭا ەسىمى» جوباسىنىڭ جەڭىمپازى ز.گابيدۋلينانىڭ دەمەۋشىلىگىمەن جۇزەگە اسىرىلعان بالالار اۋلا الاڭشاسىنىڭ اشىلۋى، «جامبىلىم قانداي تاماشا» اتتى كونسەرتتىك باعدارلامالار بار.

«قازاقستاننىڭ كيەلى جەرلەرىنىڭ گەوگرافياسى» ارنايى جوباسى اياسىندا ايشا ءبيبى، قاراحان، تەكتۇرماس كەسەنەلەرى جانە اشىق اسپان استىنداعى «كونە-تاراز» ارحەولوگيالىق مۋزەيى تۋرالى 4 بەينەروليك، «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا 1 بەينەروليك جانە «قازاقستانداعى 100 جاڭا ەسىم» جوباسىنىڭ ءبىرىنشى كەزەڭىنىڭ جەڭىمپازى ز.گابيدۋلينا تۋرالى 1 بەينەروليك ازىرلەنىپ، جەرگىلىكتى تەلەارنالاردا، رەسمي سايتتاردا، الەۋمەتتىك جەلىلەردە جاريالاندى.

سونداي-اق، «100 جاڭا وقۋلىق» جوباسى بويىنشا قازاق تىلىنە اۋدارىلعان كىتاپتاردىڭ QR – كودتارى بار تاقتايشالار قالاداعى 5 كىتاپحانادا ورنالاستىرىلدى.

«100 جاڭا وقۋلىق» جوبالارىن ىسكە اسىرۋ ماقساتىندا قالاداعى ورتا مەكتەپتەردە اعىمداعى جىلدىڭ قىركۇيەك-جەلتوقسان ايىندا «Book Dating» كىتاپتارىن تانىمال تۇلعالاردىڭ تانىستىرۋى، «سىيلىققا كىتاپ» اتتى اكسيا وتكىزىلەدى.

ال «100 جاڭا ەسىم» جوباسى اياسىندا قالاداعى وقۋ ورىندارىندا، مەكەمەلەردە قىركۇيەك-جەلتوقسان ايلارىندا 20 ءىس-شارا وتكىزۋ جوسپارلانۋدا.