مەملەكەت باسشىسى قاسىم-جومارت توقايەۆ جولداۋىندا الەۋمەتتىڭ الەۋەتىن ارتتىرىپ، تۇرعىندارتىڭ تۇرمىسىن تۇزەۋگە ناقتى تاپسىرمالار بەرگەنى بەلگىلى. بۇل باعىتتا ءقازىر ناقتى جوسپارلار ايقىندالىپ، الداعى ۋاقىتقا مەجەلى مىندەتتەر بەلگىلەندى. بۇل قازاقستاندى جاڭا جاھاندىق داۋىرگە باستايتىنى ءسوزسىز. وسى ورايدا پرەزيدەنتتىڭ پارمەندى قادامدارىنا وڭىرلەردە ءوز ءۇنىن قوسىپ، قولداۋ بىلدىرگەنى ابزال. ال ەڭ باستى دەمەۋ ول كورسەتكىشتىڭ جىل ساناپ وسكەنى دەپ جازادى Qamshy.kz اقپارات اگەنتتىگى. 

جامبىل وبلىسىندا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى 2019 جىلدىڭ 1 توقسانىندا 66361 تەڭگەنى قۇراپ، 2018 جىلدىڭ ءتيىستى كەزەڭىمەن سالىستىرعاندا اتاۋلى كورىنىستە 14،0%-عا، ناقتى – 8،5%-عا ارتتى.

ورتاشا ايلىق اتاۋلى جالاقى 2019 جىلدىڭ 2 توقسانىندا 126،5 مىڭ تەڭگەنى قۇراپ، اتاۋلى كورىنىستە 13،7%-عا، ناقتى - 8،2%-عا ءوستى.

جۇمىسسىزدىق دەڭگەيى 2019 جىلدىڭ 2 توقسانىندا 4،8%-دى قۇرادى.

2019 جىلدىڭ قاڭتار-تامىز ايلارىندا وبلىس بيۋدجەتىنىڭ كىرىستەرى 203،4 ملرد. تەڭگەگە نەمەسە 103،4%-عا ورىندالدى.

مەنشىكتى كىرىستەر جوسپارى 44،4 ملرد. تەڭگەگە (جوسپار 37،8 ملرد. تەڭگە) نەمەسە 117،6%-عا ورىندالىپ، بيۋدجەتكە 6،6 ملرد. تەڭگە جوسپاردان ارتىعىمەن ءتۇستى، وتكەن جىلدىڭ ءتيىستى مەرزىمىمەن سالىستىرعاندا ءوسىم 114،2%-دى قۇرادى (+ 5 ملرد. 516،9 ملن.تگ).

جالپى وبلىس بويىنشا بيۋدجەتتىك قاراجاتتار 210،8 ملرد. تەڭگەگە نەمەسە 98،6%-عا يگەرىلگەن، يگەرىلمەگەنى – 2،9 ملرد. تەڭگە (2018 جىلدىڭ 1 قىركۇيەگىنە – 98،0%، يگەرىلمەگەنى – 3،5 ملرد. تەڭگە).

جانعا جىلۋ بەرەتىن جاعىمدى جاڭالىقتاردىڭ دەنى بۇقارامەن بايلانىستى ەكەنى بەلگىلى. بۇل ورايدا اۋليەاتالىقتاردىڭ جۇمىسپەن قامتىلۋى، مەنشىكتى كىرىستەردىڭ ورىندالۋى، قازىنا قارجىسىنىڭ يگەرىلۋى قۇپ كورەتىن نارسە. بۇل جايىندا وبلىس اكىمى اسقار مىرزاحمەتوۆ تە القالى جيىنداردا باسا ايتىپ، بۇعان ايرىقشا كوڭىل ءبولىپ كەلەدى. ءبىر عانا ايماق باسشىسىنىڭ اۋىلداردى ارالاپ، تۇرعىندارمەن تىلدەسىپ، مۇڭ-مۇقتاجىن تىڭداپ ءجۇرۋىنىڭ ءوزى كوپكە ۇلگى. ماسەلەن مويىنقۇم اۋدانىنا جۇمىس ساپارىمەن بارعان اسقار يسابەك ۇلى شالعايداعى ەلدى مەكەندەردىڭ وزدەرىنە ات ءىزىن سالىپ، تۇرعىنداردىڭ تىلەگىن تىڭدادى. سونداي-اق قاراپايىم زاتتار ەكونوميكاسىن دامىتۋ ءۇشىن اۋلۋ-اۋلالاردى ارالاپ، باقشا باپتاپ تا بايۋعا بولاتىندىعىن قاراپايىم حالىقتىڭ ساناسىنا ءسىڭىردى. ناتيجەسىندە مويىنقۇمدىقتار كەڭەستىك كەزەڭنەن كەيىن ۇمىت قالعان جۇگەرى شارۋاشىلىعىن قولعا السا، اۋلاسىنان شاعىن تەپليسا اشىپ، شارۋاشىسىن شالقىتىپ جاتقاندار دا بار.