«سۋىق جانە اۋقىمدى انتيسيكلوننىڭ ورتالىعى باتىس ءسىبىردىڭ وڭتۇستىگىنە اۋىستى، ءبىراق ونىڭ سالدارى الداعى ءۇش كۇندە رەسپۋبليكانىڭ كوپتەگەن ايماقتارىندا اۋا-رايىن انىقتايدى. سوندىقتان قازاقستان اۋماعىنىڭ باسىم بولىگىندە جاۋىن-شاشىن بولمايدى، تۇندە اياز بولادى»، - دەلىنگەن رەسمي حابارلامادا.

3-5 قازان كۇندەرى رەسپۋبليكانىڭ ورتالىق جانە شىعىس ايماقتارىندا تۇنگى تەمپەراتۋرا 1-7 گرادۋسقا دەيىن تومەندەپ، كەي جەرلەردە تەرمومەتر 12 گرادۋسقا دەيىن تومەندەيدى.

كۇندىزگى تەمپەراتۋرا كوتەرىلە باستايدى، ءبىراق ءالى كۇنگە دەيىن ول كليماتتىق نورمادان تومەن بولىپ تۇر. باتىس وڭىرلەردە تەمپەراتۋرا 3-5 گرادۋسقا جوعارى.

سونداي-اق، سينوپتيكتەر قوستاناي وبلىسىندا داۋىلدى ەسكەرتۋ جاريالادى. 3 قازاندا وبلىستىڭ كەي جەرلەرىندە تۇمان تۇسەدى، كۇندىز وڭتۇستىك-باتىستان سەكۋندىنا 15-20 مەتر جىلدامدىقپەن جەل سوعادى. قوستاناي قالاسىندا وڭتۇستىك-باتىستان جەل سوعادى، ەكپىنى سەكۋندىنا 18 مەترگە جەتەدى. داۋىلدىڭ ىقتيمالدىعى 90-95 پايىزدى قۇرايدى.