اتموسفەرانىڭ لاستانۋى بۇگىنگى كۇننىڭ ەڭ وزەكتى ماسەلەلەرىنىڭ ءبىرى بولىپ قالا بەرمەك. لاستانۋدىڭ نەگىزگى كوزدەرىنىڭ ءبىرى – اۋانى لاستاۋشى زاتتار مولشەرى شامادان تىس اسىپ كەتەتىن اۆتوكولىكتەر بولىپ تابىلادى.
تاراز قالاسىن ارالاۋ بارىسىندا وبلىس اكىمى اسقار مىرزاحمەتوۆ پوليسيا دەپارتامەنتىنىڭ باستىعى ارمان ورازالييەۆكە ەكولوگيالىق نورمالاردىڭ ساقتالۋىن باقىلاۋدى كۇشەيتۋ جانە اتموسفەراعا اۆتوكولىك قۇرالدارىنان شىعاتىن زياندى قالدىقتاردى ازايتۋ بويىنشا شارالار قابىلداۋدى تاپسىردى.
ءوڭىر باسشىسىنىڭ تاپسىرماسى اياسىندا پد باستىعى قازاننىڭ 8 مەن 11 ارالىعىندا وبلىستىق ەكولوگيا دەپارتامەنتىنىڭ زەرتحانالىق-اناليتيكالىق باقىلاۋ ءبولىمىنىڭ ماماندارىن تارتا وتىرىپ، «تازا اۋا» جەدەل-الدىن الۋ ءىس-شاراسىن وتكىزۋگە باستاما جاسادى.
تاراز قالاسى پب پاترۋلدىك پوليسيا باتالونىنىڭ قىزمەتكەرلەرى جەدەل-الدىن الۋ ءىس-شارالارىن جۇرگىزۋدىڭ ءبىرىنشى كۇنى اكىمشىلىك قۇقىق بۇزۋشىلىق تۋرالى كودەكستىڭ 334-بابى تالاپتارىنىڭ 40-تان استام بۇزۋشىلىقتارىن انىقتادى (شىعارىندىلاردا لاستاۋشى زاتتاردىڭ بولۋى نورماتيۆتەردەن اسىپ كەتەتىن اۆتوموتوكولiكتەردى جانە باسقا دا جىلجىمالى قۇرالداردى پايدالانۋ).
وسى باعىتتاعى جۇمىستار جالعاسۋدا.
جامبىل وبلىسى پوليسيا دەپارتامەنتىنىڭ باسپا ءسوز قىزمەتى
پىكىر قالدىرۋ