«Nur Otan» پارتياسى حالىقتىڭ الەۋمەتتىك جاعدايىن جاقسارتۋ جولىنداعى بارلىق يگى باستامالارعا ۇيىتقى بولىپ، ورتاق مۇددە جولىندا كۇش بىرىكتىرىپ، ەلىمىزدىڭ كوركەيىپ، گۇلدەنۋىنە ءوزىنىڭ قوماقتى ۇلەسىن قوسىپ كەلەدى. جۋىردا بايزاق اۋداندىق ءال-فارابي اتىنداعى مادەنيەت ۇيىندە «Nur Otan» پارتياسى اۋداندىق فيليالىنىڭ كەزەكتەن تىس XXVIII كونفەرەنسياسى بولىپ ءوتتى. اتالمىش جيىنعا «Nur Otan» پارتياسى وبلىستىق فيليالى ءتوراعاسىنىڭ ورىنباسارى شابدەن تىلەۋمۇرات، اۋداندىق پارتيا فيليالى ساياسي كەڭەسى مەن ساياسي كەڭەسى بيۋروسىنىڭ مۇشەلەرى، پارتيالىق باقىلاۋ كوميسسياسى مەن سىبايلاس جەمقورلىققا قارسى ىس-ارەكەت جونىندەگى قوعامدىق كەڭەستىڭ مۇشەلەرى، پارتيانىڭ وبلىستىق جانە اۋداندىق ءماسليحاتتاعى دەپۋتاتتىق فراكسياسىنىڭ مۇشەلەرى مەن باستاۋىش پارتيا ۇيىمدارىنىڭ ءتوراعا-تورايىمدارى، اۋدان اكىمدىگىنىڭ بولىمدەرى مەن مەملەكەتتىك ورگاندار جانە كاسىپورىندار باسشىلارى قاتىستى.

پارتيا اۋداندىق فيليالى ءتوراعاسىنىڭ ءبىرىنشى ورىنباسارى شولپان بايتاقوۆانىڭ توراعالىعىمەن وتكەن كەزەكتەن تىس كونفەرەنسيادا وبلىستىق فيليالى ءتوراعاسىنىڭ ورىنباسارى شابدەن تىلەۋمۇرات ءسوز الىپ، اۋداندىق پارتيا فيليالىنىڭ ءتوراعالىعىنا نۇرجان نۇرجىگىتوۆتىڭ كانديداتۋراسىن ۇسىندى. كونفەرەنسيا دەلەگاتتارى تاراپىنان ۇسىنىس قولداۋ تاپتى. ءوز كەزەگىندە جاڭا سايلانعان ءتوراعا كونفەرەنسيا قاتىسۋشىلارىنا سەنىم بىلدىرگەندەرى ءۇشىن العىسىن ايتتى.

جاڭا سايلانعان ءتوراعا، اۋدان اكىمى نۇرجان نۇرجىگىتوۆ قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان جولداۋىنان تۋىندايتىن مىندەتتەر تۋرالى بايانداما جاسادى.

باياندامادان كەيىن «Nur Otan» پارتياسى اۋداندىق فيليالى ءماسليحاتتاعى دەپۋتاتتىق فراكسياسىنىڭ مۇشەسى، كونفەرەنسيا دەلەگاتى سانيا التايەۆا، «مەرەي» باستاۋىش پارتيا ۇيىمىنىڭ ءتورايىمى، كونفەرەنسيا دەلەگاتى گۇلباحرام ەرمەكوۆا، اۋداندىق پارتيا فيليالى جانىنداعى «جاس وتان» جاستار قاناتىنىڭ مۇشەسى، دەلەگات باۋىرجان ابزالييەۆ جارىسسوزگە شىقتى.

كۇن تارتىبىنە سايكەس، اۋداندىق پارتيا فيليالىنىڭ بۇرىنعى ءتوراعاسى ءراحماتىلدا راحمانبەردييەۆتىڭ زەينەت دەمالىسىنا شىعۋىنا بايلانىستى ساياسي كەڭەستىڭ قۇرامىنا وزگەرىس ەنگىزىلدى. سوڭىنان كۇن تارتىبىندەگى ماسەلەلەرگە قاتىستى ءتيىستى قاۋلىلار قابىلداندى.