قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مەن ءبىلىم جانە عىلىم مينيسترلىكتەرى، قوعامدىق ماڭىزى بار باستامالاردى دامىتۋ قورى، ەكولوگيالىق ۇيىمدار قاۋىمداستىعىنىڭ بىرلەسكەن باستاماسىمەن «ەكو ساعات» رەسپۋبليكالىق اكسياسى ءوتتى.

وسكەلەڭ ۇرپاقتى تابيعي رەسۋرستاردى كۇتۋ جانە ساقتاۋ ماسەلەلەرىنە تارتۋ ماقساتىندا وتكەن شارا اۋدانىمىزدىڭ بارلىق مەكتەپتەرىندە ۇيىمداستىرىلدى. باستاۋىش، ورتا جانە جوعارى سىنىپتاردا تانىمدىق-دامىتۋشىلىق دارىستەر وتكىزىلىپ، انيماسيالىق روليكتەرمەن قاتار بەينە اينالىم كورسەتىلدى. سونداي-اق، بايزاق اۋدانى ورمان جانە جانۋارلار دۇنيەسىن قورعاۋ ءبولىمىنىڭ دەمەۋشىلىگىمەن 500 تۋيا اعاشتارى ءبىلىم وشاقتارىنا جيىرما تۇپتەن تاراتىلىپ بەرىلدى.

رەسپۋبليكالىق اكسياعا وراي عاني مۇراتبايەۆ اتىنداعى گيمنازياسىندا وتكەن شاراعا اۋداندىق ءماسليحاتتىڭ حاتشىسى نۇرجان تلەپوۆ قاتىستى. نۇرجان سەيدەزىم ۇلى قورشاعان ورتانى قورعاۋدىڭ ماڭىزدىلىعىن ايتىپ، ەگىلگەن ءار اعاشتىڭ اۋا الابىنا تيگىزەر پايداسىنا توقتالدى. وقۋشىلاردى وتىرعىزىلعان اعاشتاردى كۇتىپ ۇستاۋعا شاقىرىپ، ولارمەن بىرگە اعاشتار وتىرعىزدى. بۇدان سوڭ وقۋشىلار مەن پەداگوگتار مەكتەپ جانىنداعى ۋچاسكەلەرگە تۋيا اعاشىن ەگىپ، اكسياعا وزدەرىنىڭ ۇلەستەرىن قوستى.

اكسياعا اۋدان بويىنشا 20390 وقۋشى، 720 ءمۇعالىم، اتا-انالار، ارداگەر ۇستازدار، اۋىلدىق وكرۋگ اكىمدەرى، اۋدان اكىمدىگىنە قاراستى ءبىلىم ءبولىمىنىڭ ماماندارى مەن ادىسكەرلەرى قاتىستى.

دۇنيەجۇزىلىك مەكەندەۋ ورنىن قورعاۋ كۇنىنە وراي وتكەرىلگەن «ەكو ساعات» رەسپۋبليكالىق اكسياعا ۇلگىلى ورتا مەكتەبىنىڭ پەداگوگيكالىق ۇجىمى مەن وقۋشىلارى دا بەلسەنە قاتىستى. الدىمەن باستاۋىش سىنىپتارىندا «ەگەر جەر الما بولسا!» تاقىرىپتارىندا ەكولوگيالىق ساعاتتار، جوعارى سىنىپتاردا وسىمدىك جانە جانۋارلار الەمى مەن سۋ رەسۋرستارىن ساقتاۋ، الىپ مۇحيتتاردىڭ جاعدايى، قورشاعان ورتا تازالىعى، اۋا رايىنىڭ جىلىپ كەلە جاتقاندىعى تۋرالى كەڭىنەن اقپاراتتار بەرىلىپ، تاجىريبەلەر جۇرگىزىلدى.

اكسيادا مەكتەپ ديرەكتورى نۇركەن كەنجەقۇلوۆ ءسوز الىپ، ايتۋلى شارانىڭ ماڭىزى تۋرالى قىسقاشا اقپاراتتاندىردى.جاس وسكىندەردىڭ تابيعاتقا، تۋعان ولكەگە ۇقىپتى قاراۋ، تابيعي جانە سۋ رەسۋرستارىن، وسىمدىك جانە جانۋارلار الەمىن ساقتاۋ قاجەتتىگىن ايتىپ، جەر-انانىڭ بايلىعىن قورعاۋ - ورتاق مىندەت ەكەندىگىن جەتكىزدى.

ساعات ءتىلى 12.00ء-دى سوققاندا مەكتەپ اۋلاسىنا 20 ءتۇپ تۋيا وتىرعىزىلدى. سونداي-اق، 1 جانە 11-سىنىپ وقۋشىلارىنىڭ اتا-انالارىنىڭ دەمەۋشىلىگىمەن قوسىمشا 5 ءتۇپ تۋيا ەگىلدى.

سونىمەن قاتار اكسيا بارىسىندا بارلىق سىنىپ وقۋشىلارىنا قورشاعان ورتانى قورعاۋدىڭ باستى ماقساتى - ادامزات دامۋى مەن قورشاعان ورتا اراسىنداعى ۇيلەسىمدىلىكتى ورناتۋ بولىپ تابىلاتىندىعى ءسوز بولدى. بۇدان بولەك، جاس جەتكىنشەكتەر بويىندا ەكولوگيالىق مادەنيەتتى قالىپتاستىرۋ ادىستەمەسى ايتىلىپ، ءاربىر ادام تابيعاتتى ايالاۋى كەرەكتىگى، قورشاعان ورتانى لاستاعاندارعا بەلگىلى مولشەردە ايىپپۇل سالىناتىندىعى، قازاقستاندا قورشاعان ورتانى قورعاۋعا بايلانىستى بىرنەشە زاڭ اكتىلەرى قابىلدانعانى، ولاردىڭ ماقساتى - ەلىمىزدىڭ تابيعات بايلىقتارىن بولاشاك ۇرپاق ءۇشىن ساقتاۋ بولىپ تابىلاتىندىعى جونىندە ويلار ورتاعا سالىندى.