مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا جەر رەسۋرستارىن ءتيىمدى پايدالانۋ ماسەلەسىنە ايرىقشا نازار اۋداردى.

«جەر رەسۋرستارىن ءتيىمسىز پايدالانۋ ماسەلەسى وتە وزەكتى بولىپ وتىر.

جەرگە سالىناتىن تىكەلەي سالىقتار دەڭگەيىنىڭ تومەندىگى جاعدايدى كۇردەلەندىرە ءتۇستى.

مەملەكەتتەن جەردى تەگىن جالعا الۋ قۇقىعىنا يە بولعانداردىڭ كوپشىلىگى جەردى يگەرمەي، بوسقا ۇستاپ وتىر.

ەلىمىزدە «ءشوپ قورىعان ءيتتىڭ» كەبىن كيگەن «لاتيفۋنديستەر» كوبەيىپ كەتتى.

پايدالانىلماي جاتقان اۋىل شارۋاشىلىعى جەرلەرىن قايتارىپ الاتىن كەز كەلدى. جەر – ءبىزدىڭ ورتاق بايلىعىمىز جانە ونى كىم يگەرسە، سوعان تيەسىلى بولۋى ءتيىس»دەدى پرەزيدەنت.

بۇگىندە اۋليەاتا وڭىرىندە وسى باعىتتاعى جۇمىستار بارىنشا جۇيەلى جۇزەگە اسۋدا. جامبىل وبلىسى اكىمدىگىنىڭ جەر قاتىناستارى باسقارماسىنىڭ باسشىسى باحتيار كوپبوسىنوۆتىڭ ايتۋىنشا، 2018 جىلدىڭ 1 قاراشاسىنداعى جاعداي بويىنشا وبلىستىڭ جەر قورى 14 426،4 مىڭ گەكتاردى قۇرايدى. ونىڭ ىشىندە اۋىلشارۋاشىلىق ماقساتىنداعى جەرلەر - 4589336 گەكتار؛ ەلدى مەكەندەردىڭ جەرلەرى –467166 گەكتار؛ ونەركاسىپ، كولىك، بايلانىس، قورعانىس ماقساتىنداعى جەرلەرى – 173167 گەكتار؛ ەرەكشە قورعالاتىن تابيعي اۋماقتاردىڭ جەرلەرى – 11659 گەكتار؛ ورمان قورىنىڭ جەرلەرى – 4 430673 گەكتار؛ سۋ قورىنىڭ جەرلەرى – 338 741 گەكتارعا تەڭ. ال بوسالقى جەرلەر - 1 926 256 گەكتار بولسا، باسقا مەملەكەت پايدالانىپ جاتقان جەر كولەمى – 2 489 300 گەكتاردى الىپ جاتىر.

-جەر ەسەبىنە سايكەس وبلىستىڭ جەر قورىنىڭ 65 پايىزىن نەسەسە 9،4 ملن گەكتاردان استامىن جايىلىمدىق جەرلەر الىپ پوتىر.

سوعان قاراماستان، جايىلىمداردى پايدالانۋدى رەتتەۋ بۇگىندە وزەكتى ماسەلەلەردىڭ بىرىنە اينالىپ وتىر.

اگرارلىق سالانى رەفورمالاۋ بارىسىندا 1،7 ملن گەكتاردان استام جايىلىمدىقتاردىڭ اۋىلشارۋاشىلىق ماقساتىنداعى جەرلەردەن ورمان قورىنا اۋىستىرىلعاندىعىن ايتۋ كەرەك،-دەيدى باسقارما باسشىسى.

ءاربىر ەلدى مەكەن بويىنشا شارۋاشىلىقتاردىڭ بارلىق ساناتتارىنداعى مال باسىنىڭ ەسەبى الىنىپ، جايىلىم جەرلەردى ناقتىلاۋ جۇرگىزىلگەن. سونداي-اق ءار اۋىلدىق وكرۋگ بويىنشا جالپى پايدالانىمداعى جايىلىم جەرلەردىڭ پايدالانۋعا بەرىلىپ كەتكەن بولىگىنىڭ جانە ەلدى مەكەندەر اۋماعىنا جاقىن ورنالاسقان (5-7 شاقىرىم) جايىلىم جەرلەردىڭ يەلەرىن انىقتاۋ جۇمىستارى جۇرگىزىلىپتى.

تالداۋ ناتيجەسى، 4 اۋداننىڭ (بايزاق، جۋالى، قورداي، مەركى) 19 اۋىلدىق وكرۋگىندە جالپى پايدالانىمداعى 1،044 مىڭ گەكتار جايىلىمدىق 35 جەر پايدالانۋشىعا بەرىلىپ كەتكەندىگىن كورسەتتى.بۇگىندە بۇل بويىنشا ءتيىستى شارالار اتقارىلۋدا.