«سيفرلىق قازاقستان» مەملەكەتتىك باعدارلاماسىندا كورسەتىلگەن ماقساتتى ينديكاتورلارعا سايكەس، جامبىل وبلىسىندا حالىقتىڭ سيفرلىق ساۋاتتىلىق دەڭگەيى 2017 جىلى 61،4 پايىزدى قۇراعان بولاتىن. 2018 جىلى 182 534 ادام وقىتىلىپ، كورسەتكىش 78،5 پايىز دەڭگەيىندە قالىپتاستى.
بۇگىندە وبلىستا تۇرعىندار سيفرلىق ساۋاتتىلىقتىڭ جالپى دەڭگەيى جەتكىزۋ ماقساتىندا سيفرلاندىرۋدىڭ نەگىزگى داعدىلارى، اشىق ۇكىمەت، ەلەكتروندىق مەملەكەتتىك قىزمەتتەر، ەلەكتروندىق كوممەرسيا. تاقىرىپتارى بويىنشا بىلىكتىلىگىن ارتتىرۋدا. ونىڭ ىشىندە 133 421 ءبىلىم سالاسى قىزمەتكەرلەرى، 20 378 دەنساۋلىق ساقتاۋ سالاسىنىڭ مامانى، 21 282 جوعارى وقۋ ورىندارىنىڭ بىلىمگەرلەرى، 7453 جۇمىسكەرلەر قامتىلعان.
وقىتۋ بارىسىندا، كومپيۋتەرلىك تەحنيكانى پايدالانۋدى ۇيرەتۋ 1 كۇندىك كۋرستارى ۇيىمداستىرىلعان. كۋرستا Windows وپەراسيالىق جۇيەسىمەن، MS Offise توپتاماسىمەن تانىستىرۋ، ينتەرنەتتە اقپاراتتاردى ىزدەۋ، «ەلەكتروندى ۇكىمەت» پورتالىنا تىركەلۋ، ساندىق قولتاڭبانى جانە مەملەكەتتىك كورسەتىلەتىن قىزمەتتەردى الۋ، «كۇندەلىك»، Bilimland جۇيەلەرىنىڭ موبيلدىك قوسىمشالارىن قولدانۋ قامتىلدى.
2019 جىلى «سيفرلىق قازاقستان» مەملەكەتتىك باعدارلاماسى اياسىندا، حالىقتىڭ سيفرلىق ساۋاتتىلىعىن ارتتىرۋعا وقىتىلۋ قاجەت حالىق سانىن انىقتاۋ جۇمىسى سالالىق مينيسترلىكپەن كەلىسىلىپ جاتىر.
ەلباسىنىڭ 2018 جىلعى 5 قازانداعى جولداۋىنا سايكەس، 2019 جىلى كورسەتىلەتىن مەملەكەتتىك قىزمەتتەردىڭ 80 پايىزى، ال 2020 جىلى كەمىندە 90 پايىزى ەلەكتروندى فورماتقا كوشىرۋى جوسپارلانۋدا.
مەملەكەتتىك قىزمەتتەردى ەلەكتروندى تۇردە الۋ بويىنشا ناسيحات جۇمىستارى تۇراقتى جۇرگىزىلۋدە.
وبلىستا مەملەكەتتىك قىزمەتتەردىڭ ساپاسىن ارتتىرۋ ماقساتىندا ىشكى باقىلاۋ شارالارى، جەرگىلىكتى جەرلەردە مەكتەپتەردە، ءىرى ساۋدا ورتالىقتارىندا ءتۇرلى شارالار وتۋدە. سونىمەن قاتار «اشىق مەملەكەت»، «قولجەتىمدى قىزمەت» تاقىرىبىمەن تۇرعىندارعا 30-دان اسا جارمەڭكەلەر، 10-نان اسا سەمينار-كەڭەستەر ۇيىمداستىرىلعان.
جەرگىلىكتى تەلەارنا ەفيرى مەن تاراز قالاسىندا ورنالاسقان LED-ەكراندارىندا كۇنىنە بىرنەشە رەت «ەلەكتروندىق ۇكىمەت» پورتالىنىڭ جۇمىسىن كەڭىنەن تانىمال ەتۋ جانە مەملەكەتتىك قىزمەتتەردى ەلەكتروندىق فورماتتا الۋدىڭ قاراپايىمدىلىعىنا ارنالعان بەينەروليكتەر تۇراقتى كورسەتىلۋدە.
حالىقتى «ە-GOV» پورتالىنان ەلەكتروندى قىزمەتتەردى الۋدى وقىتۋ باعىتتالعان جەلىلىك كەستە بەكىتىلىپ، اعىمداعى جىلدىڭ سوڭىنا دەيىن 1596 مەكەمە قامتىپ، 239 مىڭعا جۋىق ادامدى وقىتۋ جوسپارلانۋدا.
