جامبىل وبلىسى اكىمى اپپاراتىنىڭ «قوعامدىق كەلىسىم» كمم-نىڭ دوستىق ۇيىندە «گاسترونوميالىق دامدەر داستارحانى» اتتى ەتنواسپازدىق فەستيۆالى ءوتتى، دەپ جازادى Qamshy.kz اقپارات اگەنتتىگى. 

فەستيۆالدىڭ ماقساتى ۇلتتىق تاعامداردى دارىپتەۋ جانە وبلىس ەتنوستارىنىڭ گاسترونومياسىمەن تانىستىرۋ، اسپازدىق داستۇرلەردى جانە تاعام مادەنيەتىن ساقتاۋ، ۇلتتىق تاعامداردىڭ وزىندىك ەرەكشەلىگىن جاس ۇرپاققا قازىرگى زامانعى جاعدايدا كورسەتۋ، ەتنيكالىق تاعامداردى دايىنداۋدا جاڭا تەحنولوگيالاردى قولدانۋ.

شاراعا جامبىل وبلىسى بويىنشا قازاقستان حالقى اسسامبلەياسىنىڭ حاتشىلىعى، ەتنوستاردىڭ ۇلتتىق تاعامدارىن دايىنداۋ شەبەرلەرى، «جاڭعىرۋ جولى» جاستار قوزعالىسىنىڭ بەلسەندىلەرى، وبلىستىڭ ەتنومادەني بىرلەستىكتەرىنىڭ جاس مۇشەلەرى، وبلىستىق جانە قالالىق ب ا ق وكىلدەرىنەن قۇرالعان بارلىعى الپىستان استام ادام قاتىستى.

ەكى بولىمنەن قۇرالعان ءىس-شارا «رۋحاني جاڭعىرۋ» جوباسى اياسىندا جۇزەگە اسۋدا. فەستيۆال باسى «ۇكىلىم-اي» بيشىلەر توبىنىڭ «شاتتىق» بيىمەن جانە جامبىل وبلىسى بويىنشا قازاقستان حالقى اسسامبلەياسى ءتوراعاسىنىڭ ورىنباسارى، حاتشىلىعىنىڭ مەڭگەرۋشىسى قوجايەۆا مارجان تورەعۇل قىزىنىڭ العى سوزىمەن باستالدى. فەستيۆالدىڭ ءبىرىنشى بولىمىندە اسپازدار ۇلتتىق تاعامداردان شەبەرلىك سىنىپتار كورسەتتى. اباي داۋىرىندەگى قازاق تاعامدارىنان سيحيمبايەۆا سىمبات قالدىبەك قىزى «ءىش ماي» جانە «بۇرمە قارىن» اتتى شەبەرلىك سىنىبىن وتكىزدى. قاراشاي-بالقار حالقىنىڭ ۇلتتىق تاعامدار ءپىسىرۋ بويىنشا الدابايەۆا مايسا مۋشۋكبەك قىزى ءوز تاجىريبەلەرىمەن ءبولىستى. تەز دايىندالاتىن تاعامداردىڭ شەبەرلىك سىنىبىن ابدىقاحاروۆا لولا ءابدىراسۋل قىزى وتكىزدى. سونداي-اق، ول تاي حالىقتارىنىڭ ياعني شىعىس ەلدەرىنىڭ تاعامدارىن سۋشي، باكلاجان جانە تۋرالعان كوكونىستەردى قالاي دايىنداۋ كەرەكتىگى تۋرالى دا ءوز تاجىريبەلەرىمەن ءبولىستى. شەبەرلىك سىنىپتىڭ ۇلتتىق سۋسىندار جانە زاماۋي كوكتەيلدەر دايىنداۋ بويىنشا سوڭعى ساباقتى بوگدانوۆ الەكساندر وتكىزدى. ول قىشقىل سۇتتەن «شالاپ» سۋسىنىن جانە ءتۇرلى كوكتەيلدەردى دايىنداۋدى كورسەتتى. فەستيۆالدىڭ ءبىرىنشى كەزەڭى اسپازدىق ۇلگىدە كيىنگەن جاستاردىڭ بي فلەشموبىمەن اياقتالدى.

جامبىل وبلىسى اكىمى اپپاراتىنىڭ «قوعامدىق كەلىسى» كمم باس ساراپشىسى البينا تاپايەۆا: «قازاقستان حالقى وڭىرلىك اسسامبلەياسى جانىنان جۇمىس ىستەيتىن عىلىمي-ساراپتامالىق توپ ۇلتتىق اس ءۇي ماسەلەسىنە ەتەنە جاقىنداپ، ەتنيكالىق مادەنيەتتىڭ ءبىر بولىگى رەتىندە ولاردىڭ فيلوسوفيسىن كورسەتۋدى شەشتىك. سوندىقتان «گاسترونوميالىق دامدەر داستارحانى» فەستيۆالى قاتىسۋشىلارعا گاسترونوميامەن تانىستىرۋمەن عانا ەمەس، ءار ەتنوستىڭ مادەني كودىن ساقتاۋعا مۇمكىندىك بەرەدى. بۇل باسقا ەتنوستاردىڭ مادەنيەتىنە قاتىستى توزىمدىلىككە نەگىزدەلگەن قازاقستاندىق بىرەگەيلىكتىڭ نەگىزى بولىپ تابىلادى. اس ءۇي — بۇل تەك تاماق تۇتىنۋ ورنى عانا ەمەس، سونىمەن قاتار ەتنوس دۇنيەتانىمىنىڭ ءبىر بولىگى، ونىڭ ءدام فيلوسوفياسىنىڭ وشاعى ەكەنىن سەزىندىرگىمىز كەلەدى»،- دەدى ءوز سوزىندە.

ءىس-شارانىڭ ەكىنشى كەزەڭى ۇلتتىق اسحانانىڭ تۇساۋكەسەرىن، تاماقتانۋ مادەنيەتىندە ءداستۇرلى ۇستانىمداردى ساقتاۋدى كورسەتتى.