جامبىل وبلىسى مويىنقۇم اۋدانىندا بيىلعى جىلى اۋدانىشىلىك جولاۋشىلار كولىگى قاتىناسىمەن 6 ەلدى مەكەن قامتاماسىز ەتىلىپ، اۋداندىق بيۋدجەتتەن سۋبسيدياعا 44،5 ميلليون تەڭگە قاراجات قاراستىرىلعان. سۋبسيديا كولەمى 2018 جىلمەن سالىستىرعاندا 21،3 پايىزعا ارتىپ وتىر، دەپ جازادى Qamshy.kz اقپارات اگەنتتىگى. 

اعىمداعى جىلدىڭ ەسەپتى كەزەڭىندە جاقسى جانە قاناعاتتانارلىق جاعدايداعى اۋداندىق ماڭىزى بار اۆتوموبيل جولدارىنىڭ ۇلەسى 100% قۇراپ وتىر. بۇل كورسەتكىش 2018 جىلدىن 9 ايمەن سالىستىرعاندا 35،7 %-عا ءوستى.

سونىمەن قاتار جاقسى جانە قاناعاتتانارلىق جاعدايداعى ەلدى مەكەن كوشەلەرىندەگى اۆتوموبيل جولدارىنىڭ ۇلەسى 100،0% قۇراپ وتىر. بۇل كورسەتكىش 2018 جىلدىن 9 ايمەن سالىستىرعاندا 60،0 %-عا ءوستى.

اتالعان كورسەتكىشكە قول جەتكىزۋ ءۇشىن 2019 جىلى جول جوندەۋ مەن كۇتىپ-ۇستاۋ جۇمىستارىنا بارلىق بيۋدجەت كوزدەرىنەن 166،6 ملن. تەڭگە ءبولىندى.

قاراستىرىلعان قاراجاتتار ەسەبىنەن جالپى 7،43 شاقىرىم ەلدى مەكەن كوشەلەرىنە ورتاشا جوندەۋ جۇمىستارى جۇرگىزىلۋدە.

سونىمەن قاتار ەلدى مەكەن كوشەلەرىنە جول قاۋىپسىزدىگىن قامتاماسىز ەتۋگە بايلانىستى ەسكىرگەن جول بەلگىلەرىن ورناتۋ جانە باعدارشامدارعا كۇتىپ ۇستاۋ جۇمىستارىنا 5،6 ملن. تەڭگە قاراستىرىلدى. بۇل قارجىعا ەلدى مەكەن كوشەلەرىنە 157 دانا جاڭا جول بەلگىلەرىن ورناتىلدى جانە مويىنقۇم اۋىلىنداعى 4 دانا باعدارشامعا كۇتىپ-ۇستاۋ جۇمىستارى جۇرگىزىلۋدە.

بۇدان بولەك، 2019 جىلعا ارنالعان ەنزووتياعا قارسى ءىس-شارالار جوسپارى دايىندالىپ بەكىتىلىپ، بۇل جۇمىستارعا اۋداندىق بيۋدجەتتەن 6،0 ملن. تەنگە ءبولىندى، 9 ايدا 25 000 ءمۇيىزدى ءىرى قارا تەيلەريوز اۋرۋىنا، 11 839 باس جىلقى ساقاۋ اۋرۋىنا، 18 000 باس ءمۇيىزدى ءىرى قارا ، 2 000 باس جىلقى سالمونەللەز اۋرۋىنا جانە 60 000 باس ۋاق مال سالمونەللەز اۋرۋىنا ەگىلىپ، 5 ملن. 890 مىڭ تەڭگە يگەرىلدى.(2018 جىلى 4،5 ملن. تەڭگە ءبولىنىپ، يگەرىلگەن).

سونداي-اق 2017- 2018 جىلدارى اۋداندىق بيۋدجەتتەن 51،3 ملن.تەڭگە ءبولىنىپ، كەڭەس، بىرلىك، بينازار، كوكجەلەك، جامبىل، قىلىشباي، قۇموزەك، مويىنقۇم، ۇلانبەل، شىعاناق، اقسۇيەك جانە حانتاۋ اۋىلدارىنان بارلىعى 12 ۆەتەريناريالىق پۋنكتكە عيمارات ساتىپ الىنعان.

2019 جىلى اۋداندىق بيۋدجەتتەن مىنارال، اقباقاي، ميرنىي جانە كۇشامان اۋىلدارىنان ۆەتەريناريالىق پۋنكتكە عيمارات ساتىپ الۋعا 10،0 ملن. تەنگە قاراجات ءبولىندى، ساتىپ الىناتىن عيماراتتار انىقتالىپ، مەملەكەتتىك ساتىپ الۋ پورتالىنا جولداندى.