قازاقستان رەسپۋبليكاسىنىڭ تۇڭعىش پرەزيدەنتى-ەلباسى نۇرسۇلتان نازاربايەۆتىڭ باستاماسىمەن جۇزەگە اسىرىلىپ جاتقان «اۋىل – ەل بەسىگى» جوباسى اياسىندا اعىمداعى جىلى وڭىردەگى بايزاق، جامبىل، شۋ اۋداندارىندا 108 جوبا قولعا الىندى. 2020 جىلى بۇل جوبا قورداي، مەركى، سارىسۋ اۋداندارىن قامتىپ، ونداعى قورداي، مەركى، ساۋداكەنت 53 جوبانى جۇزەگە اسىرۋ جوسپارلانىپ وتىر، دەپ جازادى Qamshy.kz اقپارات اگەنتتىگى.
جالپى بيىل وبلىستىڭ 3 اۋدان ورتالىعىنداعى ءبىرقاتار الەۋمەتتىك ماڭىزعا يە نىسانداردى قۇرىلىسىنا جان بىتىرگەن جوبانى جۇزەگە اسىرۋعا رەسپۋبليكالىق بيۋدجەتتەن 2 ميلليارد 770 ميلليون تەڭگە قارجى قاراستىرىلدى. جوبالاردىڭ باسىم بولىگى الەۋمەتتىك، ءتۇرعىن-ۇي كوممۋنالدىق شارۋاشىلىعى، كولىك ينفراقۇرىلىمدارى نىساندارىن جوندەۋ، قايتا قالپىنا كەلتىرۋ جۇمىستارىنا باعىتتالعان ەكەن. ال ءتورت جوبا جەرگىلىكتى تۇرعىندار تاراپىنان سۇرانىسقا يە الەۋمەتتىك نىسانداردىڭ قۇرىلىسىن جۇرگىزۋدى كوزدەيدى. تارقاتىپ ايتار بولساق، «اۋىل – ەل بەسىگى» جوباسى ارقىلى جامبىل اۋدانى اسا اۋىلىنداعى امبەباپ زالى بار سپورتتىق-ساۋىقتىرۋ كەشەنىنىڭ قۇرىلىسى جۇرگىزىلدۋ. مۇنداي قۇرىلىس جۇمىستارى شۋ اۋدانىندا جۇرگىزىلىپ، ورتالىق اۋداندىق اۋرۋحاناسىنا جاپسارلاس عيماراتى سالىندى. جانە دە اۋدان ورتالىعى سانالاتىن تولە بي اۋىلىندا مادەنيەت ءۇيى مەن امبەباپ زالى بار سپورتتىق-ساۋىقتىرۋ كەشەنىنىڭ قۇرىلىسى جۇرگىزىلىپ جاتىر. اعىمداعى جىلدىڭ توعىز ايىندا جوبا اياسىندا قۇرىلىس، قايتا قالپىنا كەلتىرۋ جۇمىستارى جۇرگىزىلگەن 108 نىساننىڭ 85-ندەگى جۇمىستار تولىقتاي اياقتالدى. ال جوبا اياسىن قۇرىلىسى باستالعان 2 زاماناۋي سپورت كەشەنىمەن، اۋداندىق اۋرۋحاناعا قوسىمشا عيماراتتىڭ جانە مادەنيەت ءۇيىنى كەلەسى جىلى پايدالانۋعا بەرىلمەك.
كەلەسى جىلى بۇل وبلىستىڭ 3 اۋىلىندا قورداي، مەركى، سارىسۋ اۋداندارىندا جالعاسىن تاباتىن بولادى. جوباسى اياسىندا بۇل اۋداننىڭ ورتالىقتارى مەن ىرگەلى اۋىلدارىندا 53 جوبا جۇزەگە اسپاق. ءوز كەزەگىندە بۇل جۇمىستاردى جۇرگىزۋگە قاجەتتى 2 ميلليارد تەڭگە رەسپۋبليكالىق بيۋدجەتتەن ارنايى ليميت ارقىلى بولىنبەك. جوبانى قارجىلاندىرۋعا قاجەتتى قاراجات بويىنشا ق ر ۇلتتىق ەكونوميكا مينيسترلىگىنە بيۋدجەتتىك ءوتىنىم دە بەرىلىپ قويدى.
ايتا كەتۋ كەرەك اۋىلدىق اۋماقتاردىڭ الەۋمەتتىك ورتاسىن جاڭعىرتۋ ماقساتىندا «اۋىل – ەل بەسىگى» جوباسىن ىسكە اسىرۋ جايى قازاقستان رەسپۋبليكاسىنىڭ تۇڭعىش پرەزيدەنتى-ەلباسى نۇرسۇلتان نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتى-رۋ» دەپ اتالاتن جولداۋىندا ايتىلعان ەدى.
