قازاقستان رسپۋبليكاسى تۇڭعىش پرەزيدەنتى-ەلباسى نۇرسۇلتان نازاربايەۆتىڭ باستاماسىمەن قولعا الىنعان «ديپلوممەن اۋىلعا» جوباسى جۇزەگە اسىرىلا باستاعاننان بەرگى 9 جىل ىشىندە وبلىستىڭ شالعاي ەلدى مەكەندەرىنە 1747 جاس مامان كەلگەن. بۇگىندە ولاردىڭ 1618ء-ى اۋىلدى جەردە قىزمەت ەتۋىن جالعاستىرىپ جاتىر، دەپ جازادى Qamshy.kz اقپارات اگەنتتىگى.
2010-2019 جىلدار ارالىعىندا «ديپلوممەن اۋىلعا» جوباسى اياسىندا وڭىرگە كەلگەن 1747 جاس مامان 4 ميلليار 961ميلليون 600 مىڭ تەڭگە كولەمىندە نەسيە العان. مۇنداعى 1618 جاس اۋىلدىق جەردە قىزمەت ەتۋدى جالعاستىرىپ جاتىر. ونىڭ ىشىندە ءبىلىم سالاسى ماماندارىنىڭ سانى 1048ء-دى قۇراسا، 349 مامان جەرگىلىكتى جەردەگى دەنساۋلىق ساقتاۋ سالاسىن ىلگەرىلەتۋ جولىندا تەر توگۋدە.
ال اعىمداعى جىلى 256 مامانعا تۇرعىن ءۇي ساتىپ الۋعا نەسيە بەرۋگە 969 ميلليون 600 مىڭ تەڭگە قاراستىرىلعان. جىل باسىنان بەرگى ارالىقتا 233 مامانعا 843 ميلليون 600 تەڭگە بيۋدجەتتىك كرەديتتەر بەرىلدى.
–اۋداندار بولىنىسىندە تۇرعىن ءۇي ساتىپ الۋعا قاجەتتى نەسيەنى قارجىلاندىرۋعا شۋ اۋدانىندا 53 جاس مامان ءوتىنىش بەرىپ، ولارعا 200 ميلليون 700 مىڭ تەڭگە كولەمىندە نەسيە بەرىلگەن. سونداي-اق ت.رىسقۇلوۆ اۋدانىندا 37 مامان 140 ميلليون 100 مىڭ تەڭگە كولەمىندە نەسيە السا، قورداي اۋدانىندا 35 مامان 129 ميلليون 200 مىڭ تەڭگە نەسيە تاعايىندالدى. مۇنان بولەك جەرگىلىكتى بيۋدجەت ەسەبىنەن 655 مامانعا ءبىرجولعى كوتەرمە جاردەماقىسىن تولەۋگە 123 ميلليون 7 مىڭ تەڭگە قاراستىرىلدى. ەسەپتى كەزەڭدە 477 مامانعا 90 ميلليون 900 مىڭ تەڭگە نەسيە بەرىلدى، –دەيدى وبلىس اكىمدىگى ەكونوميكا جانە بيۋدجەتتى جوسپارلاۋ باسقارماسىنىڭ باسشىسى گۇلدانا جاۋىنبەكوۆا.
جالپى، اۋىلداعى الەۋمەتتىك سالاداعى اسا قاجەتتى ماماندار تاپشىلىعىن جويۋ ماقساتىندا قولعا الىنعان «ديپلوممەن اۋىلعا» باعدارلاماسىنىڭ مۇمكىندىگىن جامبىلدىق جاستار جوعارى دارەجەدە سەزىنۋدە. ولار قاجەتتى تولەمدەر مەن الەۋمەتتىك قولداۋلارعا يە بولا وتىرىپ، جەرگىلىكتى تۇرعىندارعا ساپالى قىزمەت ۇسىنىپ كەلەدى. جاس مامانداردىڭ اۋىلداردا ەڭبەك ەتۋىمەن ونداعى ءبىلىم ساپاسى مەن مەديسينالىق قىزمەت ساپاسى دا ەسەلەپ ارتتى. باستىسى بۇل باعدارلاما قولىندا ديپلومى بار، جوعارى ءبىلىمدى جاستاردىڭ جۇمىسسىز قالماۋىنا مۇمكىندىك بەردى. ال تاجىريبەسىز جاس ماماندار وسى باعدارلاما ارقىلى اۋىلعا كەلىپ مول تاجىريبە جيناقتاپ، كاسىپتىك ءوسۋ جولىنداعى العاشقى قادامىن باستايدى.
