«كوركەمدىك-بەينەلەۋ ونەرى گالەرەياسى» –  تارازدىقتار مەن قالا قوناقتارىنا قازىرگى زامانعى بەينەلەۋ ونەرىن جاڭا باعىتتا تانىستىرۋعا مۇمكىندىك بەرمەك. ول – وبلىستىڭ 80 جىلدىق مەرەيتويىنا وراي اشىلعان «كونە-تاراز» تاريحي-ەتنومادەني   كەشەنىندەگى باستى نىسانداردىڭ ءبىرى. جاڭا عيمارات وڭىردەگى بەينەلەۋ ونەرىن دامىتۋعا، ناسيحاتتاۋعا جانە قىلقالام يەلەرىنىڭ شىعارماشىلىقتارىن دامىتۋعا نەگىزدەلگەن. قازاق جانە شەتەلدىك سۋرەتشىلەردىڭ كەسكىندەمەلەرىن جانە شىعارماشىلىق تۋىندىلارى ورنالاسقان گالەرەيادا بەلگىلى سۋرەتشىلەردىڭ جەكە كورمەلەرى شىعارماشىلىق جانە بالالار كورمەلەرى  ت.ب ءىس-شارالار ءوتىپ وتىرادى.

عيماراتتىڭ  جالپى اۋماعى 3000 شارشى مەتردەن اسادى. عيمارات ەكى قاباتتان تۇرادى. ءبىرىنشى قاباتىندا 600 شارشى مەتردى قۇرايتىن ۇلكەن كورمە زالى،  بريۋممەر زالى، گوبەلەن ساقتاۋ قورى، زەرتحانا، گاردەروب ورنالاسقان.

ايتا كەتەيىك، نىساننىڭ اشىلۋ سالتاناتىنا وراي ءبىرىنشى قاباتتاعى كورمە زالىندا  ق ر سۋرەتشىلەر وداعىنىڭ كەسكىندەمەشى-سۋرەتشىلەرىنىڭ تۋىندىلارىنان جاساقتالعان «قازاقستاننىڭ بەينەلەۋ ونەرى» اتتى كورمە كوپشىلىك نازارىنا ۇسىنىلدى. وندا ءو.جۇبانيازوۆتىڭ، ا.كازگۋلوۆتىڭ، س.الجانوۆتىڭ، ج.كايرامبايەۆتىڭ، ت.كوجاگۋلوۆتىڭ، و.ەسەنبايەۆتىڭ تاماشا تۋىندىلارى قويىلعان. سونداي-اق جامبىل جەرىنەن شىققان ق ر سۋرەتشىلەر وداعىنىڭ مۇشەلەرى: ق.امانقوسوۆتىڭ، س.ازيزوۆتىڭ، گ.تياننىڭ، ر.ساپارالييەۆانىڭ، ك.تەمىرحاننىڭ، ا.نازارقۇلدىڭ، ن.دەنيسوۆتىڭ جانە ت.ب. بەينەلەۋ ونەر شەبەرلەرىنىڭ تۋىندىلارى جانە جاس دارىندى سۋرەتشىلەردىڭ شىعارمالارى دا كورمەدەن ورىن العان.

ال ل.بريۋممەر زالىندا الەم سۋرەتشىلەرىنىڭ كاتالو­گىنە ەنگەن لەونيد بريۋممەردىڭ قىل قالامىنان شىققان تۋىندىلارى ورىن العان.  ءومىرى قيىن-قىستاۋ، جوقشىلىقپەن وتكەنىنە قاراماستان، ونەر يەسى  سۋرەتتەرىن ساتىپ، بايۋدى ويلامادى. ءومىرىنىڭ سوڭى قايعىلى، قاسىرەتتى بولعانىنا قاراماستان ءومىر بويى سالعان تۋىندىلارىن كەڭپەيىل، وزىنە قۇ­شاعىن اشقان قازاق حالقىنا شاشپاي-توك­پەي قالدىرۋعا ۇمتىلدى. تالانتىنا باس ءيىپ، الەم باعالاعان سۋرەتتەرىن تەگىن، سىيعا تارت­قان ازاماتتى تارازدىڭ سونبەس جۇلدىز­دارىنىڭ ءبىرى دەپ ايتپاسقا بولمايدى.

بريۋممەردىڭ قورداعى 1200-گە جۋىق ەڭبەگى ارقىلى تارازدىڭ بۇ­رىنعى كورىنىستەرىن كورەسىز، وزىڭىزگە تانىس جەرلەردى تانيسىز. ونىڭ ءوز ءومىرىنىڭ سوڭعى جىل­دارىن وتكىزگەن قالاسىنا دەگەن ەرەكشە سۇيىسپەنشىلىگىن 1971 جىلى ءبىزدىڭ مۋزەيگە سىيلاعان مۇرالارىنان بىلەسىز.

ال ەكىنشى قاباتىندا  قالپىنا كەلتىرۋ شەبەرحاناسى، جۇمىس كابينەتتەرى ورىن العان. وندا بولاشاقتا بالالاردى بەينەلەۋ ونەرىنە باۋليتىن بەينەلەۋ ونەرى ۇيىرمەسىن اشۋ جوسپارلانۋدا. بەينەلەۋ ونەرى ۇيىرمەسىندە بالالار شىعارماشىلىعىن دامىتىپ، سۋرەت سالۋ ونەرىن ۇيرەنسە، قالپىنا كەلتىرۋ شەبەرحاناسىندا ءتۇرلى جادىگەرلەردى قالپىنا كەلتىرۋ جۇمىستارى جۇرگىزىلەدى.