توكيو وليمپياداسىندا ايەلدەر بوكسىنان قازاقستان اتىنان شىققان نادەجدا ريابەس ءبىرىنشى كەزدەسۋدەن سوڭ جارىستى اياقتادى، دەپ حابارلادى Olympic.kz.
75 كەلىدەن جوعارى سالماقتا سىنعا تۇسكەن ريابەس الەم چەمپيوناتىنىڭ قولا جۇلدەگەرى، كانادالىق تامارا تيبومەن جۇدىرىقتاسقان بولاتىن.
كەزدەسۋدە تورەشىلەر 4:1 ەسەبىمەن جەڭىستى كانادالىق سپورتشىعا بەردى.
ايەلدەر بوكسىنان توكيو وليمپياداسىنا قازاقستاننان تەك نادەجدا ريابەس جولداما العان بولاتىن.
ءقازىر قازاقستان قورجىنىندا توكيو وليمپياداسىنىڭ ءۇش مەدالى بار. دزيۋدوشى ەلدوس سمەتوۆ، اۋىراتلەتتەر يگور سون مەن ءزۇلفيا چينشانلو قولا مەدال يەلەنگەن بولاتىن.
پىكىر قالدىرۋ