Үндістанның Уттар-Прадеш штатында жолаушылар пойызы жолдан шығып кетіп, 40 адам жараланды. Бұл туралы Qamshy.kz ақпарат агенттігі Росбалт-қа сілтеме беріп хабарлайды.
Әзірге қаза тапқандар туралы ақпарат жоқ. Жергілікті биліктің мәлімдеуінше, пойыз теміржол өткелінде жүк көлігімен соқтығысқан.
Қазіргі уақытта апаттың себептері анықталып жатыр. Айта кетейік, осыдан 4 күн бұрын да дәл осы штатта пойыз аударылып, 23 адам көз жұмып, тағы 150-ден астам жолаушы жараланған. Ол кезде апатқа жүргізушінің жолда жөндеу жұмыстары жүріп жатқанын білмей, жылдамдықты арттыруы себеп болды.
