Ауғанстанның батысында орналасқан Герат қаласындағы мешітте жарылыс болды. Салдарынан бір адам қаза тауып, тағы сегізі жараланған. Бұл туралы Афганистан.ру хабарлайды.
Мәлеметтерге сүйенсек, екі содыр мешітке күндізгі намаз уақытында кірген. Лаңкестердің бірі үстіне байланған жарылғыш затты іске қосқан. Бір содырды полиция оқиға орнында атқан.
Шабуылды «Ирак және Левант» лаңкестік тобы мойнына алды. Жарылыстан зардап шекккендердің барлығы қазір ауруханада. Мамандардың айтуынша, олардың көпшілігі ауыр халде жатыр. Сондай-ақ қаза тапқандардың саны әлі де артуы мүмкін. Қазір осы қайғылы оқиғаға байланысты тергеу жүріп жатыр.
Пікір қалдыру