ҚР Энергетика министрі Қанат Бозымбаев елге әкелінетін ресейлік жанармайды темір жолмен тасымалдауға тыйым салу туралы бұйрыққа қол қойды, деп хабарлайды Qamshy.kz ақпарат агенттігі. 

Бұйрық электронды үкімет порталында жарияланды.

«Қазақстан Республикасына Ресей Федерациясынан әкелінетін жанармайды темір жол арқылы тасымалдауға 3 айға тыйым салынсын» делінген құжатта.

ҚР Энергетика министрлігі мұнай саласын дамыту департаментіне, ҚР ҰҚК Шекара қызметіне, «Қазақстан темір жолы» Ұлттық компаниясына, ҚР Ұлттық экономика министрлігіне белгіленген тәртіп бойынша Еуразия экономикалық комиссияны аталған тыйым туралы ескерту тапсырылды.  

Бұйрық ресми жарияланған күннен 10 күн өткеннен кейін өз күшіне енеді.