Тойыңыздың төрінен «МузАрт»-ты көргіңіз келсе, бірден айтайық, қалтаңызда кемі 10 000 долларыңыз болуы керек. Онда да әйгілі топқа сізден бұрын біреу «құда түсіп» қоймаса...

Ондай болған күнде де қам жемеңіз, себебі сіз дәл осы сомаға Қазақстан ғана емес Ресей шоу бизнесінде де өзіндік орны бар Батырхан Шукеновті шақыра аласыз.

Ал бұл сомаға ақшаңыз сәл-пәл жетпей тұрса, онда біз танымал әншілеріміздің қаламақысын ұсынамыз, «көрпеңізге қарай...» Мысалы, Мақпал Жүнісова – миллион деп шіренбей, 800-700 мың, тіпті, көңіл қимас немесе «жағдайым келіңкіремей тұрғаны, бірақ қуанышымның куәгері болып, тойымның құрметті қонағы болсаңыз, мен үшін ол бір бақыт» деп қиылып тұрған жандардың тілегін жерге тастамай апамыз кейде 1000 долларға келісетін көрінеді.

Естеріңізде болса, «Біздің Қайраттың ставкасы 5000 доллар» деп Гүлзира ханым киноэкраннан жар салып еді ғой. Ол фильмнен кейін әншінің қаламақысы тіпті екі есеге өсті десек, еш қателеспейміз. Себебі, шыны керек, Қазақстан түгілі миллиардтаған халқы бар Қытайды «жарған» Қайрат Нұртас қой ол?!.

Егер 5000 долларыңыз болса, онда сіз тойыңызға Тоқтар Серікті, (онда да жалғыз өзін, Бейбітпен келуі үшін тағы бірер мың доллар қосасыз) Бейбіт Қорғанды, Мәдина Сәдуақасованы, Мақпал Исабекованы шақыра аласыз. Және бұл қатып қалған сома емес, келісімге қарай...

  Заттыбек ағамыз қанша жерден «тойдың гүлі» болса да, «10 мың», тіпті «5000» доллар деп көкірек қа