Ауғанстан президенті Ашраф Ғани халқын Құрбан айт мейрамымен құттықтап, сөз сөйлеп жатқанда президент сарайына зымыранмен соққы жасалды деп жазады Qamshy.kz ақпарат агенттігі шетелдік БАҚ-тың дерегін негізге алып.
Аталған оқиға жергілікті уақыт бойынша сағат 9:00-де болған. Снарядтар президент сарайы мен бірнеше елдің елшілігі орналасқан Кабулдың үкімет орамына қарай ұшырылған.
Ауғанстан елінің қауіпсіздік күштері шабуыл жасады деген күдікті екі көтерілісшінің көзін жойды, ұрыс жалғасып жатыр.
