Осы күндері Канн қаласында «MIPCOM»  халықаралық көрмесі өтіп жатыр. Іс-шарада әлемнің көптеген елдерінің телекомпаниялары өз жобаларын ұсынуда. Осы жиынға «Хабар» Агенттігі де өз жобаларымен , көркем фильмдер, сериалдар мен деректі туындылар, Қазақстан туралы туристік бағдарламаларымен арнайы қабырға дайындап, қатыстырушыларға таныстырылуда. Сондай-ақ көрме шеңберінде «Хабар» Агенттігінің Discovery арнасымен бірігіп түсірген 2 жобасы ұсынылады. Олар – «Discovery Atlas» атты деректі фильмдер топтамасы мен Қазақстанның өндірісі, мәдениеті мен туризмі жайлы «How It’s Made» бағдарламасы.

Discory Atlas – әр түрлі елдер мен халықтардың қиындығы мен қуанышы қатар жүретін күнделікті тұрмыс-тіршілігін, салт-дәстүрі мен мәдениеті туралы баяндайтын Discovery арнасының деректі фильмдер топтамасы.

How It’s Made жобасы - алғаш 2001 жылы жарық көрген, онда тұрмысқа қажетті заттар мен өнімдердің дайындалу процесін, өндіріс ошақтарының жұмысын баяндайтын деректі фильм.