Арыстағы жарылыстан қираған үйлерді қалпына келтіру үшін шамамен 20 миллиард теңге керек. Бұл туралы 2 шілдеде Нұр-Сұлтанда өткен брифингіде төтенше жағдай комитетінің жетекшісі Владимир Беккер айтты деп жазады Qamshy.kz ақпарат агенттігі. 

Беккердің айтуынша, Арыста 70 үй қирап қалған. 

"Арыста шамамен 70 үй толығымен қирап қалған. Бұл сан әлі өсуі мүмкін",- деді Беккер. 

Коммитет жетекшісі "Арыста жарылыс болған кезде түрлі заттар сақталған 460 цестерна болғанын" айтты.

“Темір жолда  түрлі заттар сақталған 460 цестерна болған. Олардың жарылмауы адам таңғаларлық жағдай. Жағдай бұдан да ауыр болар еді. Бүгінде Арыс пен қала маңынан саперлер 12 мыңнан астам жарылғыш зат тапты”, – деді Владимир Беккер.