Сауд Арабиясының Туризм министрлігі коронавирустың көптеген жағдайлары тіркелген Қазақстан және басқа 6 елдің азаматтарына электронды туристік визаларды беруді уақытша тоқтатуға шешім қабылдады деп жазады Qamshy.kz ақпарат агенттігі. 

"Коронавирустың таралуының алдын алу мақсатында Қытай, Жапония, Сингапур, Оңтүстік Корея, Малайзия, Италия және Қазақстан азаматтарына электронды туристік визалар беру тоқтатылды. Бұл елдердің азаматтары саудиялық әуежайларға келген кезде туристік виза ала алмайды", - делінген хабарламада. 

SPA жаңалықтар агенттігінің хабарлауынша, бұған дейін осы елдердің туристік визаларын алған адамдар әзірге оны пайдалана алмайды және Сауд Арабиясына бара алмайды. Корольдік билігі бұл "уақытша шара" екенін мәлімдеді.