Германия канцлері Ангела Меркель үй карантиніне жатқызылды. Бұл туралы Германия үкіметіне сілтеме жасаған бірқатар халықаралық БАҚ хабарлады.
Олардың жазуынша, Меркель карантинге жату туралы шешімді өзі қабылдаған. Өйткені оған екпе салған дәрігерден коронавирус табылған.
Германия – Covid-19 коронавирусынан қатты зардап шегіп жатқан елдердің бірі. Соңғы тәулікте бұл елде 1948 адамнан вирус табылып, жұқтырғандар саны 18 мыңнан асқан. Елде 58 адам вирустан көз жұмған.
Дүниежүзінде коронавирус жұқтырғандар саны 300 мыңнан, қаза тапқандар 13 мың адамнан асып кетті. Қазіргі таңда вирус 180-нен астам елге тарап үлгерді.
Пікір қалдыру