Қазақстанда зейнетақы аннуитеті азаматтар үшін айтарлықтай қолжетімді бола түсті. Бұл туралы Қаржы нарығын реттеу және дамыту агенттігі төрағасының орынбасары Мария Хаджиева сөзіне сілтеме жасап, ҚазАқпарат сайты хабарлады.

Оның айтуынша, экономикалық өсуді қалпына келтіру мәселелері жөніндегі заң зейнетақы аннуитетін беру қағидаларына біраз түзетулер енгізген.

• зейнетақы аннуитеті шарты бойынша ең төмен төлем мөлшерін ең төмен зейнетақыдан ең төмен күнкөріс шамасының 70%-на жақын өзгертуге;
• Зейнетақы аннуитеті айтарлықтай арзандады. Мәселен, 2020 жылы зейнетақы аннуитетін жасау үшін жеткілікті сома 55 жастағы ер адамдар үшін 11,3 млн теңге, ал 51,5 жастағы әйелдер үшін 15,5 млн теңге болған. Енді сол жастағы ер адам аннуитетті – 6,7 млн теңге, ал әйел адам – 9 млн теңге.

– Кейінге қалдырылған зейнетақы аннуитетін 55 жастан бастап төлемдер алатындай болып, 45 жаста алған жағдайда ер адамда кемінде 6,1 млн теңге, ал әйелде 7,7 млн теңге болуға тиіс. Егер жалпы цифрларды алар болсақ, бүгінгі күні шамамен 61 мың адам 283 млрд теңге сомаға зейнетақы аннуитеті шартын жасаған, сол арқылы олар өмірді сақтандыру жөніндегі компаниядан өздеріне өмір бойғы зейнетақы төлеміне кепілдік алды, – деді Мария Хаджиева.

БЖЗҚ-да зейнетақы жинақтары жеткілікті қазақстандықтар өздерінің зейнетақы жинақтарының бір бөлігін тұрғын үй жағдайын жақсартуға немесе емделу ақысын төлеуге пайдаланатынын, не ақшасын зейнеткерлікке жинақтай беретінін өздері шешуге құқылы.