Танымал әнші Мәдина Сәдуақасова енесімен тату болғысы келетін келіндерге кеңес берді. Бұл туралы "Қамшы" порталы  «Ана бол» сайтына сілтеме жасай отырып хабарлайды.

Олжас атты режиссер жігіттің жары атанған Мәдина өзінің келіндік тәжірибесіндегі құнды кеңестермен бөлісіп, енемен тату болудың жолдарын атаған.

1. “Жылы-жылы сөйлесең, жылан інінен шығады”

Ене ғана емес, жалпы адамның көңілін табудың бір тәсілі – жақсы сөз, мейірімділік. Әрқашан да көңіліне қарап сөйлеу имандылық белгісі саналмақ. Яғни, енеңіздің мінезін жақсы білгеніңіз дұрыс, көңіл-күйін аңғарып, мейірім-шуағыңызды төгіңіз, жақсы сөздер ғана жанды жылытатынын ұмытпаңыз.

2. Кішіпейіл болыңыз

“Үлкенге құрмет, кішіге ізет” білдіргеннің артықтығы жоқ. Үнемі ағайын-туғанмен қарым-қатынасыңыз жақсы болып, сыйластық танытыңыз. Сіздің жақсы болғаныңыздан енеңіздің қадірі артады.

3. Төзімділік

Әрине, әрдайым сабырлы болып, бәріне төзіп жалыққан боларсыз. Десе де, бір жамандық артынан бір жақсылық бар. Сондықтан, ашу шақырып, мінез көрсетуден аулақ болыңыз. Әр нәрсенің қайыры бар. Сабыр етіп, төзімділік танытсаңыз бәрі өз жолымен жүреді.

4. Сыйлықтар жасаңыз

Енеңізге үнемі көңіл бөліп, сыйлық беріңіз. Ал сыйлық алған кімге де болмасын ұнайды емес пе?