Ult josparynyń 20-qadamyna sáıkes, barlyq sot prosesterine aýdıo-vıdeotirkeý engizilip jatyr, sandyq jazbalar is materıaldarymen birge 75 jyl boıy saqtalady. Bul týraly Astana qalasy Almaty aýdandyq sotynyń sýdıasy Beıbitjan Kabylbekov málimdedi, dep habarlaıdy BNews.kz.

«Ult josparynyń 20-qadamyna sáıkes, barlyq sot prosesterine mindetti tártipte aýdıo-vıdeojazba engizý qarastyrylǵan, bizdiń Astana qalasynyń Almaty soty barlyq sot zaldaryn tolyǵymen jabdyqtady. Sot prosesteri aýdıo-vıdeojazba arqyly júrgiziledi, barlyǵy málimetter bazasynda tirkelgen, taraptar bul aqparatpen tanysa alady. Keı jaǵdaılarda jýrnalıser de is materıaldarymen tanysýǵa quqyly», - deıdi Beıbitjan Kabylbekov.

Onyń aıtýynsha, sýdıaǵa jazbany toqtatý múmkindigi berilmegen, sondaı-aq materıaldar redaksıalanbaýy tıis. Aýdıo-vıdeojazbalar is materıaldarymen birge nusqaýlyqqa sáıkes 75 jyl saqtalady.

Esterińizge sala keteıik, qazirgi tańda Qazaqstanda sot zaldary aýdıo jáne beınebaqylaý quraldarymen 73,6%-ǵa jabdyqtalyp otyr. Elimizde 1407 sot zaly bolsa, sonyń 957-si sandyq formatta aýdıo-beıne baqylaý júrgizý quraldarymen jabdyqtalǵan.