23-24 naýryz kúnderi Almaty qalasynda Qazaqstannyń Meıbýkan Godzú-rú Karate-do Federasıasy jekpe-jektiń osy túrinen balalar men jasóspirimder, jastar men eresekter arasynda Qazaqstan Chempıonatyn ótkizedi, - dep habarlaıdy «Qamshy» portaly.

Jarysqa respýblıkamyzdyń ár óńirinen balalar men jasóspirimder, jastar men eresekter arasynan on úsh komanda qatysatyn kórinedi.

«Okınavalyq Meıbýkan godzú-rú – karateniń dástúrli, jaýyngerlik qalpyn ózgerissiz saqtap qalǵan jekpe-jek túri. Ol tek sporttyq shynyǵýǵa ǵana emes, qoıan-qoltyq urys júrgizýge, qorǵanýǵa baǵyttalǵan. Jekpe-jektiń bul túrin qazirgi tańda Amerıka, Reseı, Polsha, Chehıa jáne Qazaqstan Respýblıkasy syndy birqatar elder prezıdentteriniń jeke kúzeti qyzmetteri paıdalanady», - delingen federasıa taratqan baspasóz habarlamasynda.

Qatysýshylar karateniń kata jáne kýmıte túrleri boıynsha saıysqa túsedi. Jarys barysynda okınavalyq karateniń býnkaı, tameshıvarı sekildi ádis-tásilderi kórsetiledi. Jeńimpazdar arnaıy medaldar men kýboktar, baǵaly syılyqtarmen marapattalady.