UAE SWAT Challenge-2026 jarysynda qazaqstandyq arnaıy jasaq sarbazdarynyń kórsetken nátıjelerine tánti bolǵan Aleksandr Výchıch Qasym-Jomart Toqaevqa qaýipsizdik salasynda tájirıbe almasýdy usyndy.
Serbıa basshysy halyqaralyq UAE SWAT Challenge-2026 týrnırine erekshe toqtaldy. Bul jarysqa Qazaqstan men Serbıa komandalary qatysty. Výchıch qazaqstandyq arnaıy jasaqtyń daıyndyq deńgeıiniń óte joǵary ekenin atap ótip, olardyń serbıalyq jaýyngerlerdi oqytýyna nıet bildirdi.
“Qazaqstan sózsiz álemdegi úzdik elderdiń biri. Sizderdiń sarbazdaryńyz joǵary nátıje kórsetip otyr. Olardyń bizdiń jaýyngerlermen tájirıbe bóliskenin qalar edim”, – dedi Serbıa Prezıdenti.
Sonymen qatar Serbıa Prezıdenti olardyń komandasy keıbir saıys túrlerinde jaqsy nátıje kórsetkenin, alaıda birqatar jarystarda kútken nátıjege qol jetkize almaǵanyn aıtty. Al qazaqstandyq jigitter men qyzdar birde-bir jarysta qatelik jibermegen.
“Men buryn-sońdy mundaıdy kórgen emespin. Sizderdiń arnaıy bólimshelerińizdiń qyzmetkerleri eń joǵary daıyndyq pen kásibılik deńgeıin kórsetti”, – dep túıindedi Výchıch.
Eske salsaq, buǵan deıin Qazaqstan Dýbaı qalasynda ótken UAE SWAT Challenge-2026 jarysynda aıqyn jeńiske jetken bolatyn.
UAE SWAT Challenge jarysy kópten beri elıtalyq arnaıy bólimshelerge arnalǵan ózindik «olımpıada» retinde baǵalanyp keledi. Munda tek fızıkalyq daıyndyq qana emes, taktıkalyq oılaý, jedel áreket etý, mergendik, komandamen úılesimdi jumys isteý jáne úlken qysym jaǵdaıynda sheshim qabyldaý qabileti synalady.
UAE SWAT Challenge -jaı ǵana shara emes. Bul – álemniń úzdik arnaıy bólimsheleri qatysatyn halyqaralyq kásibı týrnır.