Astanada ekinshi ret shoý-aıtys ótti, - dep habarlaıdy «Qamshy» portaly Baistars.kz-ke silteme jasap.

Aqyndar men ánshilerdiń aıtysy byltyr tuńǵysh ret uıymdastyrylǵan bolatyn. Sol kezde kórermenniń qatań synyna ilikken bolatyn. Kópshilik "aıtysty bulaı qorlaýdyń keregi joq" dep, endigi efırge shyǵarmaýdy talap etti. Degenmen bıyl qaıta uıymdastyrylyp, zalda otyrǵan kórermenderdiń aıtýynsha joǵary dárejede ótken. "Búgin "Juldyzdar aıtysady" jobasynyń kýási bolyp qaıttyq. Júrsin aǵanyń (Ermanov - red.) ózi aıtpaqshy qazaqy qaljyńmen kóńildi kóteretin, qazaqsha kúlýge múmkindik jasaıtyn shoý. Byltyrǵy jylǵy synnan keıin be, deńgeı bıyl ósipti. Daıyndyq baıqalady. Aıgúl Imanbaevanyń syrnaımen aıtysý sheberligin, óner jolyn aıtyspen bastaǵan Erkin Nurjanovtyń shyn aıtyssa áli de babynda ekenin kórdik. Qýandyq. Móldir Áýelbekovaǵa kishkene daıyndyq kerek edi. Átteń-aı dep qaldyq. Al Qanat Áljapparovty osy joly dombyrany úırenip keledi-aý dep úmittenip edik, baıaǵy áýenine qaıta basty. Múmkin xalyqqa bu da kerek shyǵar. Mýxtar Nıazovov aıtpaqshy, "Qanattan durys sóz shyǵarǵannan, Ógizden sút shyǵarǵan ońaıyraq" - dep jazdy Facebook paraqshasyna Abaı Seıfýllauly.

Osylaısha tórt juptyń ishinen naǵyz shoý aıtys kórsetken Erkin Nurjanov pen Shalqarbaı Aqanov boldy. Demeýshilerden olar 1 mıllıon utysty qanjyǵasyna baılady. Al ekinshi oryn Aıgúl Imanbaeva men Muxtar Nıazovqa buıyrdy