24 naýryzdan bastap Parlament Májilisiniń ǵımaratynda smartfon paıdalanýǵa tyıym salyndy, - dep habarlaıdy «Qamshy» portaly Tengrinews.kz – ke silteme jasap.

Atalǵan aqparatty Májilistiń baspasóz qyzmeti rastap otyr. Ondaǵylardyń aıtýynsha, Májilis apparatynyń qyzmetkerlerine smartfon paıdalanýǵa shekteý qoıylmaq. Qazir Májilis úıiniń kireberisine smartfondardy ýaqytsha saqtaıtyn arnaıy jáshikter de ornalastyrylyp jatqan kórinedi.

Parlamenttiń joǵarǵy palatasy – senatta da mundaı shekteý sál keıinirek engiziletini belgili bolyp otyr.

Buǵan deıin 24 naýryzdan bastap elimizdiń memlekettik organdaryna qarasty ǵımarattar ishinde smartfondardy paıdalanýǵa shekteý qoıylatyny týraly habarlaǵan bolatynbyz. Alaıda, Úkimet úıi men birqatar mınıstrliktiń ǵımarattaryna kireberiske ornatylýy tıis smartfon saqtaıtyn arnaıy jáshikter álikúnge ornatylmaı otyr.