Eýrazıalyq damý banki (EDB) men Qazaqstannyń Ulttyq banki Qazaqstanda «AvtoVAZdyń»  qurastyrý óndirisin qurýǵa 500 mıllıon AQSH dollaryn bólýi múmkin, - dep habarlaıdy «Qamshy» portaly. Bul týraly EDB basshysy Dmıtrıı Pankın RIA Novostı – ge bergen suhbatynda aıtqan.

Onyń aıtýynsha, «AvtoVAZ» konserni ótken jyly elimizde ashylmaq qurastyrý óndirisi úshin qarjy uıymynan nesıe suraǵan. Bank búginde kompanıanyń ótinishin qarastyrý ústinde kórinedi.

«Qaryzǵa beriletin soma kólemi – 500 mıllıon dollar shamasynda. Ol somanyń jartysy Qazaqstannyń Ulttyq banki berse, qalǵan jartysyn EDB jabady. Bul ótinishti tereń taldap, bank keńesine shyǵaramyz», - degen D. Pankın.

Sondaı-aq, ol jobanyń kúrdeliligin. Ázirge, saqtyqpen qarap otyrǵandyqtaryn da aıtqan.

Esterińizge salsaq, EDB 2006 jyly eýrazıalyq keńistikte ekonomıkanyń ósýi men ıntegrasıalyq prosesterdi qoldaý maqsatynda qurylǵan. Jarǵylyq qory 7 mıllıard dollardy quraıtyn bank kapıtalynyń 66 paıyzy RF-ǵa, 33 paıyzy Qazaqstanǵa tıesili. Qazaqstan men RF-dan basqa Armenıa, Belorýsıa, Qyrǵyzstan men Tájikstan da bank quryltaıshylary bolyp tabylady.

Osylaısha, Qazaqstan qarjylyq daǵdarys qıyndyqtaryna qaramastan, ashyq básekege tótep berýge qabyletsiz, sapasy syn kótermeıtin reseılik kóshirme kólikterdi qurastyrýǵa qyrýar qarjy bólmek.