Shyǵys Qazaqstan oblysynda aýa temperatýrasynyń kúr joǵarylaýy saldarynan tórt birdeı qar kóshkini boldy, - dep habarlaıdy «Qamshy» portaly Tengrinews.kz – ke silteme jasap.
23 naýryzda saǵat 17.10-da Qaton-Qaraǵaı aýdanynda bolǵan qar kóshkini saldarynan "Sogornoe - Barlyq" avtojoly jabylyp qalǵan. Qar kóshkininiń kólemi 130-dan 540 sharshy metrge deıin jetti. Tabıǵı qubylystyń saldarynan eshkim zardap shekken joq. "Saǵat 23.50-de Komarıhınskıı aýyldyq okrýginiń kúshimen joldy qardan tazalaý jumystary júrgizildi. Qaýipti aımaqqa kirer jerge polısıa qosyny qoıyldy", - dep habarlady İİD ókilderi.
Sonymen qatar, QR İİM TJK qar jınalatyn oryndarǵa baqylaý júrgizilip jatqanyn habarlady. Aıta keteıik, 24 naýryzda Shyǵys Qazaqstan oblysynda kúndizgi temperatýra 5-10 gradýsqa, keı jerlerde 15 gradýsqa deıin joǵarylaıdy dep kútilip otyr.
