Qazaqstannan Reseıge 17 tonna kontrabandalyq temeki ónimin alyp ótpek bolǵandar Astrahan oblysynda ustalǵan, - dep habarlaıdy «Qamshy» portaly óńirdegi "Volga" gazetine silteme jasap.

Reseı FQQ Qalmaqıa jáne Astrahan oblysy boıynsha shekara basqarmasynyń qyzmetkerleri «Qaraózek »shekara beketinen ótpek bolǵan qazaqstandyq Volvo kóligin teksergende odan jasyl tústi untaq salynǵan 318 qapshyq taýyp alǵan.  Odan bólek, kólikten 47 qapqa salynǵan ák untaǵy men tórt qapqa nyǵalǵan nasybaı oraıtyn polıetılen qaltashalar tabylǵan.

Nasybaıshylar taýardy temeki qaldyǵy dep alyp ótpekke árekettengen.

«Júkti temeki qaldyqtary dep tasymaldamaq bolǵan, alaıda onyń fıtosanıtarıalyq qujattary bolmady. Temeki qospasy tıelgen kólik shekaradan ótkizilmedi. Reseı zańnamalaryn buzý deregi boıynsha shekarashylar tekserý júrgizýde», - deıdi Reseı FQQ Qalmaqıa jáne Astrahan oblysy boıynsha shekara basqarmasynyń qyzmetkeri Irına Gafýrova.

Sondaı-aq, ol qoldanystaǵy zańnamaǵa sáıkes, aksızdik markasy joq temeki ónimderin shekaradan alyp ótýge tyıym salynǵanyn, jeke tutyný úshin alyp ótiletin temeki ónimderiniń salmaǵy 250 gramnan aspaýy tıistigin aıtqan.