Ekinshi dúnıejúzilik soǵystan keıin dúrkirep turǵan japon memleketi sózsiz jeńilgenin moıyndap, ásker-qarý-jaraqtan aıyrylyp, júni jyǵylyp, halqy da rýhanı kúızeliske ushyraǵan jaǵdaı boldy. Sol kezderde esin áýeli jyıa bastǵan zıaly qaýym ókilderi: «Qaıtemiz? Ne isteý kerek?» dep, saýalǵa jaýap izdeı bastady. Túrli oılar ortaǵa salyndy. Saıyp kelgende, «bizdiń túbimizge jetken japondyq – tilimiz, dilimiz» degenge tireldi. Keıbireýleri «japon tilin tastap, jeńgen eldiń tili – aǵylshyn tiline kósheıik» degenge deıin bardy. Úkimet komısıasy qurylyp, másele jan-jaqty zerttelip, «japon tilinen bas tartýdyń qajeti joq. Bilim-ǵylym, tehnıka, tehnologıa jetistikterin qaı tilde shyqsa da, japon tiline aýdaryp, ıgerý kerek» degen tujyrym jasaldy. Munyń nátıjesi kóp uzamaı japon elin alǵa shyǵardy.

Al, el aman, jurt tynyshta áýpirimdep aıaǵyn qalt-qult basyp, memlekettik til dárejesine jete almaı kele jatqan qazaq tilin nege qurtamyz? Úsh tildilik degen – avantúra, qıal. Úkimette júrgen Darıǵa, Erlanǵa «Shamaly-aý, balam, túısigiń»,- dep, aqyn aıtqan sózdi aıtýǵa týra keledi.

Maqsut Orazaıdyń Feısbýktegi paraqshasynan alyndy