Jerdi kim jalǵa alady?
Jańa jer zańnamasy boıynsha sheteldikterge konkýrs arqyly beriletin bolady. Úkimet oblystyń árbir aýdany boıynsha sheteldikter úshin bir adamǵa beriletin jerdiń eń tómengi mólsherin bekitedi. Mysaly, Aqmola oblysynda, Shortandy aýdanynda – bul 1000 ga. Konkýrs erejesi bylaı, áleýetti jalǵa berýshi mindetti túrde jerdi paıdalaný josparyn tapsyrý qajet. Memleket konkýrstyń ótýine kepildik beredi. Eger de sheteldik bizdiń talaptardy buzatyn bolsa, biz olarmen jasalǵan kelisim - kontrakty buzýǵa jáne olardan jerdi alyp qoıýǵa quqymyz bar. Aýyl sharýashylyǵy jerlerin tıimdi paıdalaný erejelerimen Siz myna silteme boıynsha: http://adilet.zan.kz/rus/docs/V1500011549 tanysýǵa bolady
6. Memleket jerdi qaıtaryp alýǵa quqyly ma?
Iá, qaıtaryp alýǵa quqyly. Eger de, jer maqsaty boıynsha paıdalanylmasa, mysaly, jer óńdelmese, jerdiń ústinde ónim óndirilmese, onda memleket jerdi qaıtaryp alýǵa quqy bar.
Ekinshiden, sapaǵa júrgizilgen baqylaýdyń kórsetýi boıynsha, eger jer tıisti tásilmen paıdalanylmasa (tyıym salynǵan hımıkattar qoldanylsa), nátıjesinde jer qumǵa aınalady. Jerdi sondaı-aq, jyrqyshtar mekendegen jaǵdaıda da alyp tastalady. Bul sharalardyń barlyǵy jerdiń jeke menshikte nemese jalda bolýyna baılanyssyz qoldanyla beredi.
7. Qazaqstan azamaty jerdi satyp, nemese jalǵa ala ma?
Iá, alady. Qazaqstandyqtar úshin erekshe jeńildik jaǵdaılary qarastyrylǵan: jalǵa berilgen jerdi 10 jylǵa deıin uzartylǵan merzimde jarty baǵasyna satyp ala alady. Al sheteldikter úshin mundaı ereje qarastyrylmaıdy.
8. Qazaqstandyqtarǵa nemese sheteldikterge jalǵa berilgen jer olardyń jaýapkershiliksiz paıdalaný áreketinen tozýǵa jáne tyıym salynǵan hımıkattarmen ýlanýǵa ushyrasa, jalǵa berilgen jerge ne bolady? Bul jaǵdaıdy kim jáne qalaı baqylaýǵa alady?
Pesısıdter tizimine resmı engizilmegen hımıkattardy paıdalanýǵa Qazaqstan zańnamasy tyıym salady. Aýyl sharýashylyǵy mınıstrliginiń agrohımıa qyzmeti men Ákimdikterdiń jer ınspeksıalary jer qyrtysy men onyń jaǵdaıyn únemi baqylaýda ustaıdy.
Zańnamany buzǵan jaǵdaıda jerdi qaıtaryp alýǵa deıingi qatań sharany qoldanady.
Jer zańnamasyn saqtaý jónindegi Ákimdikterdegi baqylaý organdary tarapynan agroónerkásipterdegi keshenderge tıesili jer telimderine tekserýler júrgizildi. 2015 jyly jáne 2016 jyldyń birinshi toqsanynda júrgizilgen tekserýler aýyl sharýashylyǵy maqsatyndaǵy 263,9 myń ga jerdiń tıimsiz paıdalanylǵanyn anyqtady.
Ótken jyly 187 menshik ıesi men jerdi paıdalanýshylarǵa jer zańnamasyn buzǵandyǵy úshin eskertýler berildi, onyń ishinde 171 sýbekti 169,5 mln. teńge kóleminde aıyppul túrindegi ákimshilik jaýapkershilikke tartyldy.
2016 jyldyń birinshi toqsanynda 7 menshik ıesi men jerdi paıdalanýshylarǵa jer zańnamasyn buzǵandyǵy úshin eskertýler berildi, onyń ishinde 5 sýbekti 106 myń. teńge kóleminde aıyppul túrindegi ákimshilik jaýapkershilikke tartyldy.
9. Jer qansha turady?
Jer teliminiń naqty quny bazalyq stavkaǵa sáıkes anyqtalady, jáne bul jónindegi aqparattar http://adilet.zan.kz/rus/docs/P030000890 saıtynda ornalasqan.
Jer telimi jaǵdaıynyń sapasyna, ornalasqan jerine, sýmen qamtylýyna, qyzmet kórsetý ortalyǵynan alys-jaqyndyǵyna jáne t.b. baılanysty bazalyq stavkaǵa túzetý koefısıenti qoldanylady.
Mysalyǵa, jer telimi eldi mekennen, ınfraqurylym nysanynan alystaǵan saıyn, koefısıenti de tómendeıdi.
Árbir jer teliminiń jeke-jeke quny bekitiledi.
Jer teliminiń qorytyndy baǵasy aýksıon arqyly anyqtalady.
10. Bir adam qansha jerdi satyp ala alady?
Bir ákimshilik aýdannyń sheńberinde aýylsharýashylyq maqsatynda jeke menshikke jáne jalǵa beriletin jer teliminiń eń tómengi shekti kólemi bekitildi. Jer teliminiń eń tómengi shekti kólemi týraly aqparatty adilet.kz. saıtynan alýǵa bolady.
11. Eger qazaqstandyqtar aýksıonda jerdi satyp alyp, ony sheteldikke qaıta satýǵa quqyǵy bar ma?
Joq, sata almaıdy. Buǵan zańnamamen tyıym salynǵan.
12. Aýksıondar men konkýrstar ashyq ári ádil ótedi degenge kúdigimiz bar. Osy baǵytta qandaı sharalar júrgizilýde?
Satýdy uıymdastyrýdyń tártibi zańmen naqty bekitilgen, aýksıon – azamattar úshin, konkýrs – sheteldikter úshin júrgiziledi.
Satýdy uıymdastyrýdyń tetigi jerdi bólýde jemqorlyqqa jol bermeıdi. Ótkiziletin aýksıondar óz kezeńinde jarıalylyqty, áleýetti satyp alýshylardyń arasyndaǵy jaryspalyqty jáne ashyq básekeni qamtamasyz etedi.
(Jalǵasy bar)
QR Prezıdent janyndaǵy Ortalyq komýnıkasıalar qyzmeti
