Antolıı dep otyrǵanymyz – senat depýtaty Antolıı Bashmakov. Keshe Astanadaǵy Medıa ortalyqta baspasóz ókilderimen kezdesý ótkizgen ol «Kerek bolsa, Reseıge úgit-nasıhat ekspansıayn jasaýymyz» kerek dep saldy. «Árıne, ekspansıa bolǵanda jaqsy maǵynasyndaǵy «ekspansıa» dep sózine túzetý de engizip qoıdy. Anatolıı Bashmakov myrzanyń qolyndaǵy derekterge súıensek, Reseıdiń Omby oblysynda 110 myń qazaq turyp, ómir súrip jatqan kórinedi.
«Men, - deıdi senator, - Reseıge barǵan saparymnyń bárinde etnıkalyq qazaqtardyń máselesine bıliktiń nazaryn aýdartýǵa tyrysamyn. Byltyr Qazaqstan halqy assambleıasynyń usynysymen oblystyq ákimshilik «qazaq mádenıetiniń Omby oblysynyń áleýmettik-ekonomıkalyq damýyndaǵy roli» atty baıandama jasady. Osynyń nátıjesinde byltyrdan bastap qazaq tilinde telerdıolar tıisinshe aqparat tarata bastady. Ombyda qazaq mektepteri bar. Taǵy da qazaq mektepteri men fakúltatıvter ashý josparǵa engen. Joǵary oqý oryndarynda qazaq tili pániniń muǵalimderi oqyp jatyr».
Bashmakovtyń «aýzyna maı...» alaıda, Reseıde qansha qazaq bar, qansha qazaq mektebi bar... bul suraqtarǵa naqty jaýap tabý ońaı emes. Óıtkeni Reseıdegi qazaq máselesi osy ýaqytqa deıin kún tártibine qoıylǵan emes. Kóship kelip jatqan aǵaıynnyń da asa kóp «aıqaıy» estile bermeıdi. Onyń ústine, osyndaǵy orys dıasporasynyń tóbesinen qus ushyrmaı otyrǵan qazaq ókimeti Reseı bıligine «meniń qazaǵymnyń qal-jaıy qalaı?» dep ashyq suraq qoıa almaıdy. Áıtkenmende, baspasóz ókilderimen kezdesýlerdiń birinde Prezıdent Nazarbaev qazaq jýrnalıserine qarata: «Sender nege Reseı basshysynan Reseıdegi qazaq dıasporasynyń jaıyn, ondaǵy qazaq tiliniń máselesi men qazaq mektepteri týraly suramaısyńdar?», - dep renish bildirgeni bar. Demek, qalaı bolǵanda da Aqorda alys-jaqyndaǵy aǵaıynnyń ahýalyna beı-jaı qaraı almaıdy eken. Tek sony aıtýdyń, jetkizýdiń retin tappaı júrýi yqtımal. Mine, sol sózdi, ıaǵnı qazaqtyń kókeıindegisi men aýyzyndaǵy sózin Anatolıı Bashmakov aıtty. Asyly aıtqyzdy. Biraq, Anatolııdiki «bári jaqsynyń» emeýrinine saıady. «Qazaq mektepteri bar. Jetpese taǵy da ashylady. Qazaq tilinde habar taratatyn radıo men telearnalar jumys isteýde, t.b.». Senatordyń munysy bizdegi orys halqy men tiline jasalyp jatqan qurmet pen izettiń shıregine tatymaıdy. Sondyqtan, saıasat pen áleýmettik máselelerdi saraptap pikir bildirip júretin qazaqtyń belsendi azamattary Reseıdegi etnıkalyq qazaq taǵdyryna basym kóńil bólip, kúndelikti jaǵdaıyn jarıa etip otyrýy kerek shyǵar.
Abai.kz
