Ózbekstan ortalyq saılaý komısıasy 4 jeltoqsanda ótken prezıdent saılaýy nátıjesin jarıalady. Ózbekstan Ortalyq saılaý komısıasynyń tóraǵasy Mırza-Ulyqbek Abdýsalomov ótkizgen brıfıń barysynda Shavkat Mırzıóevtiń saılaýda 88,61% daýyspen jeńiske jetkeni belgili boldy.

Saılaýǵa tórt úmitker qatysqan — Ózbekstannyń lıberaldyq-demokratıalyq partıasy atynan prezıdent mindetin atqarýshy Shavkat Mırzıeev, Halyq -demokratıalyq partıasynan Hatamjon Ketmonov, sosıal-demokrattardan Narıman Omarov jáne demokratıalyq partıadan Sarvar Otamýratov.

Bir aıta keterligi, burynǵy prezıdent Karımovtiń bıligi muragerlik jolmen berilmedi. Ózbek bıligi Ázerbaıjandaǵydaı ákeden balaǵa berilmedi. Kerisinshe burynǵy prezıdenttiń qyzy Gúlnara Karımova qazir Ózbekstanda qamaýda otyr. Degenmen naqty jaǵdaıy týraly aqparat joq. Tipti qarashanyń 22-si Gúlnara Karımova ýlanyp qaıtys boldy degen qaýeset tarap ketip, keıin ony uly, atasymen attas Islam Karımov teriske shyǵarǵan bolatyn. Islam Karımov BBC-ge bergen suhbatynda, anasyn atasynyń «qolshoqparlary» ustap otyrǵanyn aıtyp, anasynyń 2014 jyldan beri qamaýda otyrǵanyn, ekeýine de qastandyq jasalǵanyn baıandaǵan edi.

Karımovtiń kezindegi Ózbekstan tarıhynda jurt jadynan óshpesteı bolyp Ándijan oqıǵasy qaldy. 2005 jyly 13 mamyrda Ándijan qalalyq hokımıatynyń (ákimdiginiń) aldyndaǵy Babyr alańynda bılik «akramıster» degen aıyp taǵyp, tutqynǵa alynǵan 26 bıznesmendi qorǵaýdy kózdegen mıtıń ótti. «mundaı uıym eshýaqytta bolǵan emes, ony «dinı ekstremıster» dep atalyp júrgenderdi torǵa túsirý úshin bıliktiń ózi oılap tapty» degen boljamǵa toqtady.

Mıtıńige shyqqan Ándijannyń birneshe myń turǵyny halyqtyń áleýmettik jaı-kúıin jaqsartý jáne eldegi qýǵyn-súrgin saıasatyn doǵarý jóninde talaptar qoıdy.

Ózbekstan bıligi mıtıńini asqan qatigezdikpen janshydy. Resmı maǵlumatqa qaraǵanda osy oqıǵa kezinde 187 adam kóz jumǵan. Onyń ishinde áskerı qyzmetkerler men polıseıler de bar, biraq basym kópshiligi «bıznesmenderdi túrmeden shyǵaryp almaq bolǵan áldebir ekstremıster men ıslamshyldar». Al táýelsiz baqylaýshylardyń baıqaýyna qaraǵanda sol kúni myńnan astam Ándijan turǵyny mert bolǵan. Alaıda qaza bolǵandardyń dál sany sol kúıi belgisiz qaldy.

Ózbekstan bıligi bul bıznesmenderdi 1990 jyldary tyıym salynǵan «Akramıa» qozǵalysynyń jaqtastary dep málimdedi. Biraq ol uıym jónindegi málimetterdiń ekiushtylyǵy sonshalyqty, tipti keıbir sarapshylar.

Aıta keter bolsaq, Islam Karımovtiń bıligi kezinde qazaq-ózbek arasynda saýda, ekonomıka, mádenı baılanystar joqtyń qasy boldy.