Belgili syqaqshy, jýrnalıs 65 jasqa kelgen qazaq maıtalmany Kópen Ámirbek jaqynda uldy boldy dep habarlaıdy juldyz.kz

Adamnan jasyrǵanyńmen, Alladan jasyra almaısyń. Bul qupıa dúnıe emes, tipti toı jasaý kerek. Mundaıda bizdiń qarıalar «qudaıdyń bergeni» dep bórkin aspanǵa laqtyratyn. Bir balanyń zárine zar bolyp júrgen qanshama shańyraq bar. Shúkir, men balanyń zary ótip júrgen adam emespin. Biraq sheshem on bala týǵan, altyn qursaqty batyr ana. Burynǵy jyly 85 jasynda dúnıeden ótti. On balanyń tula boıy tuńǵyshy men edim. «Balaly úı bazar» deıdi, bazarly jerge úırenip qalǵanmyn. Sóıtip 65 jasqa kelgende uldy boldym. Qýanysh degen ulym, Saǵynysh atty qyzym bar. Balalarymnyń sheshesi bólek bolǵanymen, ákesi bir. Eki baýyrdyń arasy bir bolsyn, uıqasyp tursyn degen nıetpen sábıdiń esimin - Jubanysh qoıdym. Kelinshegimniń uldy bolatynyn túsimde kórgenmin. «Sary bala týasyń» dep aıtqanmyn, solaı boldy. Áıtse de, árbir súringenimdi baqytsyzdyq dep sanamaımyn. Bálkim, meniń shyn baqytym sol jerden bastalatyn shyǵar. «Birinshi alǵan áıeliń - jeńip alǵan týmen teń, ekinshi alǵan áıeliń - surap ishken sýmen teń» degendi kim qalaı túsinedi? Toqaldy toq adam alady. Meniki toqtyq emes. Taǵdyr. Jazmysh. Qasıetti hadıske qulaq túrseńiz oı tastaıdy. «Qandaı áıel jaqsy áıel? Kúıeýi neni jaqsy kóre, sony jaqsy kóretin áıel - jaqsy áıel. Kúıeýi neni jek kórse, sony jek kórgen áıel - jaqsy áıel», - deıdi belgili syqaqshy.