Anton Krotov – saıahatshy, jazýshy.
Men 2001 jyly musylman boldym. Ol kezde jasym 24-te edi, saıahatshy bolǵanyma 10 jyl tolǵan. Sol álemdi kezip júrgenimde kóptegen musylman memleketterine bardym. 1999 jyly Sýdanǵa baryp, ol jaqta 20 jyl boıy velosıpedpen álemdi sharlap júrgen fransýzdyq jigitti kezdestirdim. Ol musylman eken, kúrishpen sýret salyp, sodan aqsha tabady. Alaıda, meniń ıslam dinin qabyldaýyma onyq asa yqpaly bol qoımady.
Musylmandyqqa ótpes buryn men Iranda, Pákistanda, Túrkıada, Sırıada, Egıpette, Iordanıada, Sýdanda jáne de Ortalyq Azıa memleketterinde boldym. Alaıda Ortalyq Azıany tolyqqandy musylman memleketterinen quralǵan dep aıta almaımyz, ol negizinen keńestik. Qazaqstandy naqty musylman memleketi dep aıta almaımyn, al Tájikstanda musylmandyqtyń ıisi seziledi. 30 jyl buryn Iran elinde ıslamdyq revolúsıany engizgennen keıin joǵary jaqtan admdarǵa qatań talap qoıyla bastady, Iran eliniń azamattary jaqsy musylman bolýy kerek, al kez kelgen úıden: «Namaz – ár musylmanǵa paryz» degen jazýdy kórýge bolady. Mundaı ıslamı qatań tártipterge jastardyń kózqarasy múldem bólek boldy, olar muny qabyldaı almady, ózderine batystyq stıldi, alkogóldi jáne jalańash qyzdarmen kóńil kóterýdi ruqsat etilgenin qalady. Al Túrkıa memleketinde kerisinshe, jastar ıslam dinin qatań ustanady jáne jastaıynan musylmandyqqa bet bura bastaıdy.
Meniń oıymsha, terrorısterdiń barlyǵy musylmandar dep aıtatyndar tikeleı saıasattan habary joq adamdar. Eger bizdiń elimiz musylman memleketteriniń biri bolyp jáne ońtústigimizde soǵys júrip jatqan bolsa, onda terrorısterdiń basym bóligi hrıstıandar dep oılaýshy edi. Barlyǵy da bıliktegilerdiń qandaı dindi ustanyp, qoldaýyna baılanysty.
Alı (Vácheslav) Polosın – fılosof, «Islam» jýrnalynyń bas dırektory, din mamany.
Men joǵary oqý ornyna fılosofıa fakúltetine túsken kezimde negizgi maqsatym mamandyq alyp shyǵý emes, shyndyqqa kóz jetkizý bolatyn. Emtıhan ýaqyty jaqyndap qalǵan, alaıda, daıyndyǵym asa myqty bola qoımady. Ózim bilmeıtin Qudaıyma sıyna bastadym, sodan emtıhanǵa kirip, ózim jattaǵan bıletti alǵanymda tańqaldym, bireý ádeıi meniń qolyma sol bıletti ustatqandaı boldy. Bıblıany eń alǵash ekinshi kýrsta oqydym.
Keıinnen oqýdy bitirgen soń biraz ýaqyt jumyssyz júrdim. Sodan Ortalyq Azıaǵa baryp jumys jasaı bastadym. Sol jaqta birinshi ret musylmandarmen tanystym. Ol tájik bolatyn, kórshi aýyldaǵy shirkeýdiń baǵbany edi. Ol elde musylmandyqty qatań ustanatyn: búkil jerde beıresmı qulshylyqtar jasalatyn, áıelder men balalarǵa arnap qupıa trenıńter júrgizetin, al aýyl turǵyndarynyń jınalysynda Qurannyń súrelerin kóp biletin jas bala qarıalardan joǵary turatyn. Keńestik bılik tipti joq sıaqty kórinetin. Maǵan musylmandardyń óz dinderine beriktigi qatty unady.
Qaǵba jaıly estigenimde men naqty sheshim qabyldadym. Malevıchtiń «Qara sharshysy» sekildi Qudaıdyń sheksizdigin, ol árdaıym bizben birge ekendigin bizge Qaǵbanyń tanytatyndyǵyn túsindim. Sol arqyly meniń kózim ashyldy, ıslam kitaptarynyń birin de oqymaı musylmandyqqa bet burdym. Musylman bolǵannan soń birden molda jáne ımam bolmaımyn dedim, meni jáı ǵana Álı aǵa dep ataǵandaryn qaladym. Islamnan ómir boıy taba almaǵan suraqtaryma jaýap taptym.
Lılıana (Ýlána) Makarova – úı sharýasyndaǵy áıel.
Men Novosıbırsk qalasynda júrgenimde qazirgi jarymmen tanystym. Ol kezde jaqsy qyzmette júrgen edim – meıramhana bıznesimen aınalysatynmyn. 2003 jyly bizdiń qalaǵa issaparmen eki arab keldi. Fırma bastyǵy maǵan iskerlik kelissóz júrgizýde qasynda bolýymdy surady. Solardyń biri meniń jarym Amır edi.
Bir jarym aıdan keıin ol maǵan úılenýge usynys jasady, men kelistim. Alaıda, oǵan eshqashan da ıslam dinin qabyldap, oramal taqpaımyn dep eskertken bolatynmyn. Ol da kelisti. Keıinnen úsh aı ótken soń ózimniń qalaı musylmandyqty qabyldaǵanymdy bilmeı qaldym. Bul nársege, árıne, kúıýimniń yqpaly zor boldy. Musylmanmen jumys istegen bir bólek, al birge bir shańyraq astynda turǵan múldem bólek eken.
Birden oramal taqpadym, ol men úshin aýyrǵa soqty. İshki jan dúnıemmen ıslamdy qabyldadym, namaz oqydym, meshitke bardym, alaıda oramal taǵýǵa birden bel býa almadym. Aldymen tek meshitke barǵanda ǵana taǵatynmyn, keıinnen basqa musylmandarǵa qonaqqa barǵanda da taǵyp júrdim.
Bir jyldan soń Osman atty ulym dúnıege keldi. Biz ol kezde Arab ámirligine kóship barǵan bolatynbyz. Sol jaqta eń alǵash kúıýime nıqab alyp berýin ótindim.
Meniń balalarymnyń barlyǵy da musylman, alaıda, eger olar basqa dinge ótýlerin qalasa da olar meniń balalarym bolyp qalady. Men ózim bul jaǵdaıdy basymnan keshirdim jáne de tek jalǵyz Qudaı ǵana bar ekenin bildim.
Materıal esquire.kz saıtynan aýdarylǵan.
Aýdarǵan: Nazerke Labıhan
