Qaraǵandyda qyzmettik babyn atqarý kezinde mert bolǵan polıseı Rústem Aıtmaǵanbetovty aqtyq saparǵa shyǵaryp salyp jatyr, - dep habarlaıdy Tengrinews.kz tilshisi.

Rústemmen qoshtasý úshin meshitke 500-den asa adam jınaldy. Jınalǵandar arasynda týysqandary, jaqyndary, áriptesteri men dostary. Qaıtys bolǵan polıseı Qaraǵandyda týyp ósken, biraq Astanada qyzmet atqaryp, turyp jatqan bolatyn. Otbasyn qurýdy josparlap júrgen. Týǵandarynyń aıtýynsha, jigittiń súıgen qyzy bolǵan. 

Rústem Aıtmaǵanbetovtyń 20 jastaǵy inisi bar.  

Eske salaıyq, 26 jeltoqsan kúni polısıa serjanty Aıtmaǵanbetov "Ekaterınbýrg - Almaty" tasjolynda jol qozǵalysy qaýipsizdigin baqylaý boıynsha qyzmetin oryndap turǵan. Arshaly aýdanyndaǵy Jibek joly aýyly mańynda jyldamdyqty asyryp, jol qozǵalysy erejesin buzǵan júrgizýshiniń sońyna túsip, jol ortasyndaǵy súıeýge soǵylyp qalǵan.

İİB men UU ardagerleriniń keńesi jáne Aqmola oblysynyń İshki ister departamentiniń jeke quramy polısıa serjantynyń qaıǵyly qazasyna baılanysty otstavkadaǵy polısıa starshınasy Serik Aıtmaǵanbetovke jáne týsytary men jaqyndaryn kóńil bildirdi.

Polısıaǵa Aıtmaǵambetov Rústem uzaq jyldar ishki ister organdarynda qyzmet etken ákesi ákesiniń izimen kelgen. Aıtmaǵambetov Serik qyzmetin 1991 jyly jol-patrýldik polısıasynyń sheninde bastap, 25 jyl boıy qyzmet etken.