AQSH Reseıge «saılaýǵa aralasqany úshin»  jańa sanksıa salýy múmkin dep habarlaıdy rbc.ru. Ol saılaýǵa qatysy bar degen jekelengen adamdarǵa salynady dep boljanýda.

Buryńǵy salynǵan sanksıa aıasyn keńeıtip ony dıplomatıalyq deńgeıde engizý kózdelýde.

«Jańa sanksıalar aıasynda naqty adamdardyń aty atalady jáne jańa sanksıa búgin ıaǵnı 29 jeltoqsanda salynatyn boldy» dep habarlaıdy CNN.

Budan buryn amerıkandyq senator Lındsı Grem 28 jeltoqsanda Rıgada sóılegen sózinde «Kongres Reseıdiń saılaýǵa qatysy bar joǵyn tekseredi. Jańa sanksıalar Reseıge aýyr tıedi. Ásirese Vladımır Pýtınge» dep aıtqan bolatyn.

Barak Obamanyń qańtar aıynda jasaıtyn baıandamasynda  Reseıge sanksıa salý týraly aıtylmaıdy. Onda «Qytaıdyń 2008 jáne 2012 jyldardaǵy qupıa tekserilgen kıber shabýyldary» sonymen qatar, 2016 jylǵy prezıdenttik saılaýǵa reseılik arnaıy qyzmettiń aralasýy týraly aıtylady.  

Jańa sharalar AQSH bıligimen talqylanyp,  eki aı ótkennen keıin engiziledi. Aq úı Hılları Klıntonnyń múddesin jaqtaǵandaı bolmaýy úshin sharalardy buǵan deıin engizbegen bolatyn.

Obamanyń ákimshiligi jańa shekteý sharalaryn óńdeý jumystaryn aıaqtap qalǵanyn aıtqan.

AQSH birneshe márte Reseıdi prezıdenttik saılaýǵa qatysy bar dep aıyptady. Barak Obama óziniń jyl saıyn beretin pres-konferensıasynda Demokratıalyq partıanyń serveri buzylǵannan keıin, Vladımır Pýtındi amerıkanlyq saılaýǵa aralaspaýyn  suraǵan. Onyń sózinshe budan keıin «Reseıdiń ary qaraıǵy saılaýǵa aralasýy týrasynda eshqandaı dálel bolmaǵan». AQSH prezıdenti 8 qarashadaǵy saılaýǵa  Reseıdiń aralaspaǵanyn atap ótti. Alaıda saılaý aldy kompanıasyna qysym kórsetti. Máskeý AQSH-tyń 2016 jylǵy prezıdenttik   saılaýyna eshqandaı qatysy joq ekenin aıtady.