Almaty oblysy ákiminiń orynbasary Jaqsylyq Omar osydan biraz ýaqyt buryn bilim mekemelerin aralap, jataqhanalardaǵy stýdentterdiń jaı-kúıimen tanysqan edi. Onda bilimgerler jatýy tıis bólmelerde sol oqý orynynda jumys isteıtin mamandardyń turyp jatqanyn kórip, renish bildirgen. Otbasyly adamdar turǵan jerde ý-shý bolady. Balalardyń sabaqqa daıyndalyp, bos ýaqyttarynda ártúrli shara uıymdastyrýy úshin jataqhana ishi bozbala men boıjetkenderdiń óz enshilerinde bolýy tıis. Jataqhananyń zańdylyǵy boıynsha, onda demalys orny, kitap oqıtyn bólme bolýy tıis. Tárbıeshiler «dóńgelek ústel» uıymdastyryp, tálim-tárbıelik keshter ótkizýi tıis ekendigi barshaǵa málim. Kolejerdi aralaý barysynda Jaqsylyq Muqashuly budan bylaı bilim shańyraǵy osy zańdylyqtardy qatań saqtaýy tıis ekendigin eskertken. Búgingi tekseris barysynda da oblys ákiminiń orynbasary stýdentterdiń zamanaýı bilim alyp, tynyǵyp, bos ýaqytyn tıimdi ótkizýine basa kóńil bóldi. Ol ustazdarǵa :
– Otbasyly adamdar turǵan jerge syrttan bóten adamdardyń keletini aıdan anyq. Ondaı jerde ishimdik ishilýi ábden múmkin. Biz jasóspirim ul-qyzdardyń qaýipsizdigin saqtaýymyz kerek. Jastardy ádeptilikke úıretip, boıyn jaman ádetterden saqtaý úshin tárbıesine, alańdamaýyna basa kóńil aýdaramyz. Jataqhanadaǵy tynyshtyqty saqtaý úshin polısıa ınspektorlarynyń qyzmeti kúsheıtiledi. Bolashaqta oblys boıynsha bilim shańyraqtarynda meken etip jatqan 360 eresek adamdar kóktem shyǵysymen jataqhanalardan shyǵarylatyn bolsyn. Baspanasyz mamandardyń máselesin sheshý úshin basqa joldardy qarastyrýymyz kerek, – degendi aıtty basshy.
Oblys ákiminiń orynbasary Jaqsylyq Omar bilim berý mekemelerin aralaý barysynda Taldyqorǵan qalasyndaǵy servıs jáne tehnologıa kolejiniń maman daıarlaýdaǵy ádisin jan-jaqty qadaǵalady Dýaldi oqytý baǵdarlamasymen bilim berý, túlekterdi jumysqa ornalastyrý jaıyna basa kóńil aýdardy. Maman tárbıeleýde ýaqytty tıimdi paıdalanyp, oqytý baǵdarlamasy aıasynda jastardy birneshe kásiptik mamandyqqa baýlý, suranysqa ıe mamandyqtar boıynsha oqytý jaıy salanyń jaýapty jetekshilerine qadaı tapsyryldy.
