Álimǵazy Dáýlethan 1943 jyly QHR İle qazaq avtonomıaly oblysy Kúnes aýdanynda týylǵan. 1961-1966 jyldar aralyǵynda Úrimji qalasyndaǵy Shyńjań ýnıversıtetiniń qytaı til-ádebıeti fakúltetin támamdaǵan. 1966-1969 jyldar aralyǵynda atyshýly «Mádenıet tóńkerisiniń» saldarynan Buratala mońǵol oblysynyń Arasan aýdanyn jer aýdarylyp(zıalylardy eńbekpen qaıta tárbıeleý degen jarlyqpen) mal baǵyp, basqa da qara jumystarǵa jegildi. 1969 jyldyń 2 sáýirinde Qazaqstanǵa qashyp ótip, saıası baspana suraıdy. Alǵashynda 10 aıdy Almatyda myrza qamaqta, odan Kókshetaý oblysy, Ýálıhanov aýdanyna qarasty «Zolotaıa Nıva» sovzhozyna jer aýdarylyp, «Pasporttyq rejım» boıynsha basqarylady. Malshy, qurylysshy, traktorshy bolyp jumys isteıdi. 1972-1976 jyldary Shymkent memlekettik pedagogıka ınstıtýtynyń qazaq til-ádebıeti fakúltetinde oqıdy. 1969-1986 jyldary aralyǵynda 17 jyl boıy KSRO azamattyǵyn ala almaı, «Lıso bezgrajdanstvo» degen qujatpen, azamattyq quqyqtan shettetildi. 1989-1992 jyldary Qazaq tele-radıo komıtetine qarasty «Alataý» baǵdarlamasynda redaktor bolyp istedi. 1993-1996 jyldary elaralyq «Zaman-Qazaqstan» gazetinde aýdarmashy-tilshi bolyp qyzmet istedi. 1997 jyldan búginge deıin QR ǵylym akademıasynyń Shoqan Ýálıhanov atyndaǵy tarıh-etnologıa ınstıtýtynyń «Ejelgi jáne orta ǵasyr» bóliminde aǵa ǵylymı qyzmetker bolyp jumys istep keledi.
Ǵylymı eńbekteri:Aýdarmalary:
- «Qazaqstannyń ıllgostrasıalyq tarıhy». 2000 jyl.
- «Túrkesh qaǵanaty» monografıa. 2005 j.
- «Ǵun-túrik-qazaq tarıhy zertteý máseleleri». 2005 j.
- «Qazaq memlekettigi tarıhy», ujymdyq jınaq. «Batys túrik qaǵanaty» jáne «Túrkesh qaǵanaty» bólimi.
- «Túrik halyqtary ádebıeti tarıhy» atty oqýlyq pen hrestomatıa. 2005 jyl. Shyǵys Túrkistandaǵy uıǵyr, qazaq ádebıetine arnalǵan bólim.
- «Shyǵys Túrkistan halyqtary ult azattyq dáýiri ádebıeti»(1679-1949). Monografıa. 2011 jyl.
- Bahaddın Ógel, «Uly Ǵun ımperıasynyń tarıhy» 2 tom. 1998 j. Túrik tilinen.
- Lın Gan, «Ǵun tarıhynyń jylnamasy». Ujymdyq aýdarma.
- «Túrikti uly tulǵalary». Túrik tilinen.
Ártúrli taqyrypta jazylǵan 100-den astam ǵylymı-zertteý maqalalarynyń avtory. Qytaı, túrik tilderin meńgergen.
Pikir qaldyrý