«Trıbýna» gazetiniń bas redaktory Janbolat Mamaı 10 aqpan kúni ustalǵan bolatyn. Oǵan quzyrly oryndar Ábilázovtiń sybaılasy retinde qarap, qarjylyq aıyptar taǵyp otyr.
Osyǵan baılanysty Muhtar Ábilázovtiń ózi áleýmettik jelide pikirin bildirdi.
«Memleket turǵyndary Nazarbaev BTA bankti 2009 jyly 2 aqpanda basyp alǵanyn bilý kerek. Bul ýaqytta Janbolat Mamaı 20 jasta bolatyn. Nazarbaev rejımi «BTA-daǵy» urlanǵan aqshany Janbolattyń qatysy bardaı kórsetipti. Tergeýge saı aqsha jymqyrý oqıǵasy Men bank basshylyǵynda bolǵan ýaqytta oryn alǵan, ıaǵnı 2005 jyldyń mamyr aıy men 2009 jyldyń qańtar aıy aralyǵynda. Bul ýaqytta Janbolattyń jasy 17-20 jasta bolatyn. Mundaı mıǵa syımaıtyn jalany qalaı aıtýǵa bolady? Tipti, túrmege qamaýdy aıtpaǵanda.
Sosyn... Men BTA bankiniń aqshasyn jymqyrdy degen sheshim Qazaqstannyń eshbir sotynda aıtylmaǵan. Sonymen qatar, UQK men prokýratýra maǵan qylmystyq is qozǵalǵanyn birneshe ret málimdedi. Alaıda meniń advokatyma aıyptaýlarmen tanysý úshin birde-bir qujat bermedi. Osy ýaqytta tergeý jumystary emes, BAQ-ta tek qara pıarmen aınalysty. Endi osydan keıin qalaısha Janbolatqa zańdy túrde kiná taǵýǵa bolady?
Jeke óz basym eshqashan onymen Qazaqstanda kezdespegenmin, bankte jumys istep júrgende de, odan keıin de... Onymen kezdesip kórgen emespin. Maǵan qatysty naqty sot sheshimderi shyqpaǵan. Árıne, maǵan qarsy ártúrli arandatýshylyq málimdemeler jasaý úshin qazir maǵan syrttaı jala jabýǵa daıyn turǵandaryn bilemin.
Biraq kesh. Senderge kim senedi? Onyń ústine, Qazaqstanda 8 jyl boıy eshqandaı sot úkimi shyqpady. Bizdiń azamattar men búkil álem buny saıası qýǵyndaý dep qana baǵa beredi. Mundaı sheshimdi Fransıanyń joǵarǵy soty qabyldady. Jáne Janbolattiki de durys – ony da saıası sebeptermen qýǵyndap jatyr. Onyń BTA bankke eshqandaı qatysy joq»
