Erǵalı Asqarov 1 mln teńge kóleminde para alǵany úshin ustaldy.
Pavlodar oblysy boıynsha Jemqorlyqqa qarsy áreket etý jóninen ulttyq búro oblystyq eńbek basqarmasynyń basshysy Erǵalı Asqarovtyń jemqorlyq áreketin áshkereledi dep habarlaıdy 24.kz
Erǵalı Asqarov óziniń qaramaǵyndaǵy qyzmetkerdiń deldaldyq etýimen «Pavlodar jeńil konstrýksıalar zaýyty» JSHS ókilinen kásiporynda qyzmetkermen bolǵan jáne sońy qaıǵyly aıaqtalǵan jazataıym oqıǵa boıynsha ońtaıly qorytyndy jazyp bergeni úshin 1 mıllıon teńge para alǵan.
Osyǵan baılanysty E.Asqarov Pavlodar qalasynyń ýaqytsha ustaý abaqtysyna qamalyp, sotqa deıingi tergeý júrgizilip jatyr.
