Úndistanda júzdegen aýyldar neke qıý tártibin qatańdatty. Endi jastar nekege turý úshin jeke soǵylǵan ájethanasy bar ekeni týraly anyqtama alyp kelýi kerek.
Aýyl basshysy kýálandyrǵan anyqtama bolmaıynsha ımamdar jastardyń nekesin qımaıdy. Jergilikti turǵyndar eldegi sanıtarlyq jaǵdaıdy osylaı jaqsartýdy qolǵa alyp otyr, dep habarlaıdy Joinfo.ua jergilikti BAQ-tarǵa silteme jasaı otyryp.
Úndistannyń soltústigindegi shtattyń myńdaǵan ımamdary eldegi sanıtarlyq jaǵdaıdy qalypqa keltirý maqsatynda osyndaı qadamǵa baryp otyr. Jańa tártip eldegi júzdegen aýyldarǵa endiriletin bolady.
Jalpy, Úndistandaǵy sanıtarlyq jaǵdaı qazirgi tańda óte ózekti máselege aınalǵan. Aýyldyq jerlerde jeke ájethana salý úlken problemaǵa aınalǵan. Sebebi, jazdyń aptap ystyǵynda aınaladaǵy «las qoqystar» adam ómirine qaýip tóndirse, jaýyn kezinde olar eldi mekenderdi basyp qalatyn jaǵdaılar jıi kezdesýde.
Mine, sondyqtan Úndistannyń Premer-mınıstri Narendra Modı (Narendra Damodardas Modi) 2016 jyly jazda Táýelsizdik kúnine oraı sóılegen sózinde el turǵyndaryna arnap 20 mln-nan astam ájethana salynǵanyn habarlaǵan bolatyn.
