Afrıkadaǵy 4 memlekette oryn alyp otyrǵan  daǵdarys  BUU-nyń paıymdaýynsha uıym paıda bolǵan ýaqyttan bastap oryn alǵan  eń  úlken, iri ári qaýipti  gýmmanıtarlyq daǵdarys bolyp otyr. Bul týraly «Qamshy» portaly ntv.ru-ǵa silteme jasap habarlaıdy.

Iemen, Nıgerıa, Somalı, Ońtústik Sýdandaǵy apattyq gýmanıtarlyq jaǵdaı bosqyndar legin tolyqtyra túspek, nátıjesinde ǵalamshardyń kóptegen aýmaqtarynda turaqsyzdyq oryn almaq.

   BUU-nyń gýmanıtarlyq máseleler boıynsha bas  hatshysynyń orynbasary Stıven O’Braıen bul týraly:

«Tarıhta oryn alǵan aýyr jaǵdaılardyń birin bastan keshirip otyrmyz. Qazirgi tańda ǵalamshardaǵy 20 mıllıonnan asa adam ashtyqty bastan keshirýde. Uıymshyl, birikken kúshsiz, biz ol adamdardy qutqara almaımyz. Ashtyqtan, aýrýdan qaza taýyp jatqan adamadarǵa járdem qolyn sozýymyz qajet».

Onyń aıtýynsha BUU-nyń osy elderdegi gýmanıtarlyq máselelerge arnalǵan arnaıy josparlary bar. Sonymen birge kómek kórsetýge baǵyttalǵan kásibı qyzmetkerler toby bar. Bul jospardy iske asyrýǵa  4,4 mıllıard AQSH dollary qajet.  Aýmaqaralyq, halyqaralyq deńgeıdegi birikken kúsh jumsalýy tıis ekendigi basty maqsat retinde qarastyrylýda.