El asyǵa kútken «Qazaq handyǵy» serıalynyń telearnalardan kórsetiletin ýaqyty belgili boldy. Kereı men Jánibek sultandardyń qazaq rýlarynyń basyn qosyp, el etý sátinen bastalatyn kınodastan aǵymdaǵy jyldyń 19 naýryzynan bastap «31 arnadan» kórsetiledi. Bul týraly qasym.kz jazdy.
On bólimnen turatyn serıalda — qazaq handyǵy boıamasyz beınede aıqyn kórsetiledi,- deıdi kınogerler. Buryn-sońdy tarıhı fılmderde kórinis tappaǵan erekshe oqıǵalar, sol zamandaǵy turmys-tirshilik boıamasyz baıandalady. 
Máselen, Qazaq handyǵynyń qurylý barysyndaǵy saıası ózgerister kezinde ulystyń sultandary kórshi memlekettermen qaı tilde mámile jasady? Orta ǵasyrlarda kosmetıkany óndirý qupıasy nede edi?
Túsirý toby eldiktiń, handyqtyń tarıhyn árbir azamat jetik bilýi tıis dep oılaıdy.

Kınodastan 19 naýryzdan bastap, kún saıyn  saǵat 20:00-den 22:00 aralyǵynda kórsetiledi. 
Ult tarıhynan syr shertetin kınotýyndyny birge tamashalaıyq!